| Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
| <<Joseph. BJ 1.631 | Joseph. BJ 1.634 (English) | >>Joseph. BJ 1.638 |
1.633ὢ τάλας ἐγὼ τῆς πικρᾶς ἀποδημίας , ὡς πολὺν ἔδωκα καιρὸν τῷ φθόνῳ καὶ μακρὰν τοῖς ἐπιβουλεύουσι διωρίαν . σοὶ δέ , πάτερ , καὶ τοῖς σοῖς ἀγῶσιν ἀπεδήμουν , ἵνα μὴ Συλλαῖος τοῦ σοῦ γήρως καταφρονήσῃ . Ῥώμη μοι μάρτυς τῆς εὐσεβείας καὶ ὁ τῆς οἰκουμένης προστάτης Καῖσαρ , ὁ φιλοπάτορα πολλάκις με εἰπών . λάβε , πάτερ , τὰ παρʼ αὐτοῦ γράμματα . ταῦτα τῶν ἐνθάδε διαβολῶν πιστότερα , ταῦτα ἀπολογία μοι μόνη , τούτοις τῆς εἰς σὲ φιλοστοργίας τεκμηρίοις χρῶμαι .
1.634μέμνησο δὲ ὡς οὐχ ἑκὼν ἔπλεον ἐπιστάμενος τὴν ἐμφωλεύουσαν τῇ βασιλείᾳ κατʼ ἐμοῦ δυσμένειαν . σὺ δέ με , πάτερ , ἄκων ἀπώλεσας , ἀναγκάσας καιρὸν διαβολῆς δοῦναι τῷ φθόνῳ . πάρειμι δὲ ἐπὶ τοὺς ἐλέγχους , πάρειμι διὰ γῆς καὶ θαλάσσης οὐδὲν
-- ἀλλὰ μήπω με τούτῳ φίλει τῷ τεκμηρίῳ · κατέγνωσμαι γὰρ καὶ παρὰ θεῷ καὶ παρὰ σοί , πάτερ . κατεγνωσμένος δὲ δέομαι μὴ ταῖς ἄλλων βασάνοις πιστεύειν , ἀλλὰ κατʼ ἐμοῦ φερέσθω τὸ πῦρ , ὁδευέτω διὰ τῶν ἐμῶν σπλάγχνων τὰ ὄργανα , μὴ φειδέσθω ὀλοφυρμὸς τοῦ μιαροῦ σώματος · εἰ γὰρ εἰμὶ πατροκτόνος ,
1.636οὐκ ὀφείλω θνήσκειν ἀβασάνιστος .” τοιαῦτα μετʼ ὀλοφυρμοῦ καὶ δακρύων ἐκβοῶν τούς τε ἄλλους ἅπαντας καὶ τὸν Οὔαρον εἰς οἶκτον προυκαλέσατο , μόνον δὲ ὁ θυμὸς Ἡρώδην ἄδακρυν διεκράτει τοὺς ἐλέγχους ἀληθεῖς ἐπιστάμενον .
| Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
| <<Joseph. BJ 1.631 | Joseph. BJ 1.634 (English) | >>Joseph. BJ 1.638 |
