Cicero, Lucullus (XML Header) [genre: prose; philosophy] [word count] [lemma count] [Cic. Luc.].
<<Cic. Luc. 117 Cic. Luc. 119 () >>Cic. Luc. 121

118Princeps [Note] Thales unus e septem, cui sex reliquos concessisse [Note] primas [Note] ferunt, ex aqua dixit constare omnia. at hoc Anaximandro populari et sodali suo non persuasit; is enim infinitatem [Note] naturae dixit esse e qua omnia gignerentur. post eius auditor Anaximenes infinitum aera, sed ea quae ex eo orerentur [Note] definita; gigni autem terram aquam ignem, tum ex iis omnia. Anaxagoras materiam infinitam, sed ex ea particulas similes inter se [Note] minutas, eas primum [Note] confusas postea in ordinem adductas mente [Note] divina. Xenophanes paulo etiam antiquior unum esse omnia, neque id esse mutabile, et id esse deum neque natum umquam [Note] et sempiternum, conglobata figura. Parmenides ignem qui moveat, terram quae ab eo formetur. Leucippus plenum et inane. Democritus huic in hoc similis, uberior in ceteris. Empedocles [Note] haec pervolgata et nota quattuor. Heraclitus ignem. Melissus hoc [Note] quod esset infinitum et inmutabile et fuisse semper et fore. Plato [Note] ex materia in se omnia recipiente mundum factum esse censet a deo sempiternum. Pythagorei e [Note] numeris et mathematicorum initiis proficisci volunt omnia. Ex is eliget [Note] vester sapiens unum aliquem credo quem sequatur, ceteri tot viri et tanti repudiati ab eo condemnatique discedent. 119quamcumque vero sententiam probaverit eam sic animo conprensam habebit ut ea quae sensibus, nec magis adprobabit nunc [Note] lucere quam, quoniam Stoicus est, hunc mundum esse sapientem, habere mentem quae et [Note] se et ipsum fabricata sit et omnia moderetur moveat regat; erit ei persuasum etiam solem lunam stellas omnes terram mare deos esse, quod quaedam animalis intellegentia per omnia ea permanet [Note] et transeat; fore tamen aliquando ut omnis hic mundus ardore deflagret.

ch. 38sint ista vera (rides enim iam me fateri aliquid esse veri), conprendi ea tamen et percipi nego. cum enim tuus iste Stoicus

-- --

sapiens syllabatim tibi ista dixerit, veniet [Note] flumen [Note] orationis aureum fundens Aristoteles [Note] qui ilium desipere dicat; neque enim ortum esse umquam mundum, quod nulla tuerit novo consilio inito [Note] tam praeclari operis inceptio, et ita esse eum undique aptum [Note] ut nulla vis tantos queat motus mutationemque moliri, [Note] nulla senectus diuturnitate temporum existere ut hic ornatus umquam dilapsus occidat. tibi hoc repudiare, illud autem superius sicut caput [Note] et famam [Note] tuam defendere necesse erit: mihi [Note] ne ut dubitem quidem [Note] relinquatur? [Note]



Cicero, Lucullus (XML Header) [genre: prose; philosophy] [word count] [lemma count] [Cic. Luc.].
<<Cic. Luc. 117 Cic. Luc. 119 () >>Cic. Luc. 121

Powered by PhiloLogic