Cicero, Lucullus (XML Header) [genre: prose; philosophy] [word count] [lemma count] [Cic. Luc.].
<<Cic. Luc. 55 Cic. Luc. 57 () >>Cic. Luc. 60

56cui non adsentior potiusquare fallarpotest [Note] id quod dilucide docetur a politioribus physicis, singularum rerum singulas proprietates esse. fac enim antiquos [Note] illos Servilios, qui gemini fuerunt, tam similes quam dicuntur, num censes etiam eosdem fuisse? 'non cognoscebantur foris': at [Note] domi; 'non ab alienis': at a suis. an non videmus hoc usu venire, ut quos numquam putassemus a nobis internosci posse eos consuetudine 20 adhibita tam facile internosceremus <ut> ne minimum [Note] quidem similes viderentur. 57Hic pugnes licet, non repugnabo, quin etiam concedam ilium ipsum sapientem, de quo omnis hic sermo est, cum ei res similes [Note] occurrant quas non habeat [Note] dinotatas, retenturum adsensum nec umquam ulli viso adsensurum nisi quod tale fuerit quale falsum esse non possit. sed et ad [Note] ceteras res habet quandam artem qua vera a falsis possit distinguere, et ad similitudines istas usus adhibendus

-- --

est: ut mater geminos. internoscit consuetudine oculorum, sic tu internosces si adsueveris. videsne ut in proverbio sit ovorum inter se similitudo: tamen hoc accepimus, Deli fuisse complures salvis rebus illis, qui gallinas alere permultas quaestus causa solerent; ii cum ovum inspexerant quae id gallina peperisset dicere solebant. [Note] 58Neque id est [Note] contra vos; [Note] nam vobis [Note] satis esset [Note] ova illa non internoscere; nihilo [Note] enim magis adsentirer [Note] hoc illud esse quam si inter illa omnino nihil interesset. [Note] habeo enim regulam, ut talia visa vera iudicem qualia falsa esse non possint; ab hac mihi non licet transversum ut aiunt digitum discedere, ne confundam [Note] omnia; veri enim et falsi non modo cognitio sed etiam natura tolletur, si nihil erit quod intersit. Ut etiam illud absurdum sit quod interdum soletis dicere, cum visa in animos [Note] inprimantur, non vos id dicere, inter ipsas inpressiones nihil interesse, sed inter species et quasdam formas [Note] eorum. quasi vero non specie visa iudicentur; quae fidem nullam habebunt sublata veri et falsi nota.



Cicero, Lucullus (XML Header) [genre: prose; philosophy] [word count] [lemma count] [Cic. Luc.].
<<Cic. Luc. 55 Cic. Luc. 57 () >>Cic. Luc. 60

Powered by PhiloLogic