80hoc est verum esse, confidere suis
testibus et †inportata [Note] insistere; itaque Timagoras
Epicureus negat sibi umquam cum oculum torsisset
duas ex lucerna flammulas esse visas; opinionis enim
esse mendacium non oculorum: quasi quaeratur quid
-- --
sit, non quid videatur. Sic [Note] hic quidem, maiorum similis; tu vero, qui visa sensibus alia vera dicas esse
alia falsa, qui ea distinguis? [Note] Et desine quaeso communibus locis; domi nobis ista nascuntur. [Note] 'Si' [Note] inquis
'deus te interroget sanis modo et integris sensibus
num amplius quid desideras
, [Note] quid respondeas?' Utinam quidem roget: audies quam nobiscum male †agerent. [Note] ut enim vera videamus, quam longe videmus? [Note]
ego Catuli Cumanum ex hoc loco cerno; regionem
video <Pompeiani, ipsum> [Note] Pompeianum non cerno,
neque quicquam interiectum est quod obstet, sed intendi acies longius non potest. o praeclarum prospectum: Puteolos videmus; at familiarem nostrum P. [Note] Avianium [Note] fortasse in porticu Neptuni ambulantem non
videmus.
81'At ille nescio qui, qui in scholis nominari
solet, mille et octingenta [Note] stadia quod abesset videbat.' Quaedam volucres longius; responderem igitur
audacter isti vestro deo me plane his oculis non esse
contentum. dicit [Note] me acrius videre quam illos [Note] pisces
fortasse, qui neque videntur a nobis (et nunc quidem
sub oculis sunt) neque ipsi nos suspicere possunt;
ergo ut illis aqua sic nobis aer crassus offunditur.
'At amplius non desideramus.' Quid talpam num desiderare lumen putas? Neque tam [Note] quererer [Note] cum deo
quod parum longe quam quod falsum viderem. [Note] videsne navem illam: stare nobis videtur; at iis qui
in nave sunt moveri haec villa. quaere rationem cur
-- --
ita videatur; quam ut maxime inveneris, [Note] quod haut
scio an non possis, non tu verum testem [Note] habere, sed
eum non sine causa falsum testimonium dicere ostenderis.
ch. 26