Cicero, Lucullus (XML Header) [genre: prose; philosophy] [word count] [lemma count] [Cic. Luc.]. | ||
<<Cic. Luc. 83 | Cic. Luc. 85 () | >>Cic. Luc. 87 |
84Qui igitur
P . Servilium Geminum videbat , si Quintum se videre
putabat , incidebat in eius modi visum quod percipi
non posset , quia nulla nota verum distinguebatur a
falso ; qua distinctione sublata quam haberet in [Note] C . [Note] Cotta ,
qui bis cum [Note] Gemino consul fuit , agnoscendo eius modi
notam quae falsa esse non possit ? [Note] negas [Note] tantam similitudinem in rerum natura esse ; pugnas omnino ,
sed cum adversario facili . ne sit sane : videri certe
potest ; fallet igitur sensum . et si una fefellerit similitudo , dubia omnia reddiderit ; sublato enim iudicio
illo quo oportet agnosci , etiam si ipse erit quem videris
qui tibi videbitur , tamen non ea nota iudicabis qua
dicis oportere ut non possit esse eiusdem modi falsa .
85quando igitur potest tibi P . Geminus Quintus videri ,
quid habes explorati cur non possit tibi Cotta videri
qui non sit , quoniam aliquid videtur esse quod non
est ? Omnia [Note] dicis sui generis esse , nihil esse idem
quod sit aliud . Stoicumst id [Note] quidem nec admodum
credibile , nullum esse pilum omnibus rebus talem
qualis [Note] sit pilus alius , nullum granum . haec refelli
possunt , sed pugnare nolo ; ad id enim quod agitur
nihil interest omnibusne partibus visa re nihil differat
an internosci non possit etiam si differat . Sed si hominum similitudo tanta esse non potest , [Note] ne signorum
quidem ? dic mihi : Lysippus eodem aere eadem temperatione , eodem caelo aqua ceteris omnibus centum [Note]
Alexandrus [Note] eiusdem modi facere non posset ? qua
igitur notione discereres ?
Cicero, Lucullus (XML Header) [genre: prose; philosophy] [word count] [lemma count] [Cic. Luc.]. | ||
<<Cic. Luc. 83 | Cic. Luc. 85 () | >>Cic. Luc. 87 |