88ea sunt eius modi, quae
a [Note] te diligentissime tractata [Note] sunt. Dormientium [Note] et vinulentorum et furiosorum [Note] visa inbecilliora ess,e dicebas
quam vigilantium siccorum sanorum. quo modo? quia
cum experrectus esset Ennius [Note] non diceret se vidisse
Homerum sed visum esse, [Note] Alcmeo autem 'sed mihi
-- --
neutiquam cor consentit'; similia de vinulentis. quasi
quisquam neget et qui experrectus sit eum <non> [Note]
somniare, et cuius furor consederit putare non fuisse
ea vera quae essent sibi visa in furore. sed non id
agitur; tum cum videbantur quo modo viderentur, [Note] id
quaeritur. nisi vero Ennium non putamus ita totum
illud audivisse 'o pietas animi', [Note] si modo id somniavit,
ut si vigilans audiret. experrectus enim potuit illa
visa [Note] putare, ut erant, et somnia; [Note] dormienti vero aeque
ac vigilanti probabantur. quid Iliona somno illo 'mater
te appello' [Note] nonne ita [Note] credit filium locutum ut experrecta etiam crederet? unde enim illa 'age asta, mane
audi; iteradum eadem istaec [Note] mihi': [Note] num videtur minorem habere visis quam vigilantis [Note] fidem?
ch. 28
89Quid loquar
de insanis: qualis tandem fuit adfinis tuus Catule
Tuditanus, quisquam sanislsimus tam certa putat quae
videt quam is putabat quae videbantur? quid ille
qui 'video video te; vive [Note] Ulixes dum licet' [Note] nonne
etiam bis exclamavit se videre, cum omnino non videret; quid apud Euripidem Hercules, cum ut Eurysthei
filios ita suos configebat sagittis, cum uxorem interemebat, cum conabatur etiam patrem, non perinde
movebatur falsis ut veris moveretur; quid [Note] ipse Alcmeo
tuus, qui negat cor sibi cum oculis consentire, nonne
ibidem incitato furore 'unde haec flamma oritur' [Note] et
illa deinceps 'incede incede, adsunt me expetunt'; quid
cum virginis fidem implorat:
-- --
'fer mi auxilium, pestem abige a me, flammiferam
hanc vim, quae me excruciat,
caeruleae [Note] incinctae angui [Note] incedunt, circumstant cum
ardentibus taedis',
num dubitas quin sibi haec videre videatur? itemque
cetera [Note]
'intendit crinitus Apollo
arcum auratum, luna innixus,
Diana facem iacit a laeva':