94'Nihil me laedit' inquit;
'ego enim [Note] ut agitator [Note] callidus priusquam ad finem
-- --
veniam equos sustinebo, eoque [Note] magis si locus is quo
ferentur equi praeceps erit. sic me' inquit 'ante sustineo nec diutius captiose interroganti respondeo.'
Si habes quod liqueat neque respondes, [Note] superbe; si
non habes, ne tu quidem percipis. [Note] si quia obscura, concedo; sed negas te usque ad obscura progredi; <in> [Note]
inlustribus igitur rebus insistis. si id tantum modo ut
taceas, nihil adsequeris; quid enim ad ilium qui te
captare vult, utrum tacentem inretiat te an loquentem? sin autem usque ad novem verbi gratia sine
dubitatione respondes pauca esse, in decumo insistis,
etiam a certis et inlustrioribus cohibes adsensum; hoc
idem me in obscuris facere non sinis. nihil igitur te
contra soritas ars ista adiuvat, quae nec augendi nec
minuendi quid aut primum sit aut postremum docet.
95Quid quod eadem illa ars quasi Penelopae [Note] telam [Note]
retexens tollit ad extremum superiora: utrum ea
vestra an nostra culpa est? nempe fundamentum dialecticae est, quidquid enuntietur (id autem appellant
ἀξίωμα, quod est quasi ecfatum [Note]) aut verum esse aut
falsum. quid igitur haec vera an falsa sunt: 'si te
mentiri dicis idque verum dicis, mentiris * verum [Note]
dicis'? haec scilicet [Note] inexplicabilia esse dicitis; quod
est odiosius quam illa quae nos non conprehensa et
non percepta dicimus [Note] — sed hoc omitto, illud quaero:
ch. 30si ista explicari non possunt nec eorum ullum iudicium
invenitur, ut respondere possitis verane an falsa sint,
ubi est illa definitio, effatum [Note] esse id quod aut verum
-- --
aut falsum sit? Rebus sumptis adiungam †ex iis sequendas esse alias inprobandas† [Note] quae sint in genere
contrario.