Cicero, De Republica (XML Header) [genre: prose] [word count] [lemma count] [Cic. Rep.]. | ||
<<Cic. Rep. 3.3 | Cic. Rep. 3.5 () | >>Cic. Rep. 3.8 |
3.4
-- -- Quodsi quis ad ea instrumenta
animi , quae natura quaeque civilibus institutis habuit ,
adiungendam sibi etiam doctrinam et uberiorem rerum
cognitionem putavit , ut ii ipsi , qui in horum librorum
disputatione versantur , nemo est , quin eos anteferre omnibus debeat . Quid enim potest esse praeclarius , quam cum rerum magnarum tractatio atque
usus cum illarum artium studiis et cognitione coniungitur ? aut quid P . Scipione , quid C . Laelio , quid
L . Philo perfectius cogitari potest ? qui , ne quid praetermitterent , quod ad summam laudem clarorum virorum pertineret , ad domesticum maiorumque morem
etiam hanc a Socrate adventiciam doctrinam
adhibuerunt . 3.6 Quare qui utrumque voluit et potuit , id
est ut cum maiorum institutis , tum doctrina se instrueret , ad laudem hunc omnia consecutum puto .
Sin altera est utra via prudentiae deligenda , tamen ,
etiamsi cui videbitur illa in optimis studiis et artibus
quieta vitae ratio beatior , haec civilis laudabilior est
certe et inlustrior , ex qua vita sic summi viri ornantur , ut vel M '. Curius ,
vel
Quem nemo ferro potuit superare nec auro ,
ch. 4
Cicero, De Republica (XML Header) [genre: prose] [word count] [lemma count] [Cic. Rep.]. | ||
<<Cic. Rep. 3.3 | Cic. Rep. 3.5 () | >>Cic. Rep. 3.8 |