| Andocides, Speeches (XML Header) [genre: prose; rhetoric] [word count] [lemma count] [Andoc.]. | ||
| <<Andoc. 1.112 | Andoc. 1.115 (English) | >>Andoc. 1.119 |
1.113ὡς μὲν ἀληθῆ λέγω , μεμαρτύρηται · πολὺ δέ μοι δοκεῖ τὸ ἐναντίον εἶναι ἢ οἱ κατήγοροι εἶπον . ἔλεξαν γάρ , εἰ μέμνησθε , ὅτι αὐτώ με τὼ θεὼ παραγάγοιεν note ὥστε θεῖναι τὴν ἱκετηρίαν μὴ εἰδότα τὸν νόμον , ἵνα δῶ δίκην . ἐγὼ δέ , ὦ ἄνδρες , εἰ ὡς μάλιστα ἀληθῆ λέγουσιν οἱ κατήγοροι , ὑπʼ αὐτοῖν με note φημὶ τοῖν θεοῖν σεσῷσθαι .
1.114εἰ γὰρ ἔθηκα μὲν τὴν ἱκετηρίαν , ὑπήκουσα δὲ μή , ἄλλο τι ἢ αὐτὸς μὲν αὑτὸν ἀπώλλυον τιθεὶς τὴν ἱκετηρίαν , ἐσῳζόμην δὲ τῇ τύχῃ διὰ τὸ μὴ ὑπακοῦσαι , δῆλον ὅτι διὰ τὼ θεώ ; εἰ γὰρ ἐβουλέσθην με ἀπολλύναι τὼ θεώ , ἐχρῆν δήπου καὶ μὴ θέντα με τὴν ἱκετηρίαν ὁμολογῆσαι . ἀλλʼ οὔτε ὑπήκουσα οὔτʼ ἔθηκα .
ἐπειδὴ δʼ ἔλεγε τῇ βουλῇ Εὐκλῆς ὅτι οὐδεὶς ὑπακούοι , πάλιν ὁ Καλλίας <ἀνα >στὰς note ἔλεγεν ὅτι εἴη νόμος πάτριος , εἴ τις ἱκετηρίαν θείη ἐν τῷ Ἐλευσινίῳ , ἄκριτον ἀποθανεῖν , καὶ ὁ πατήρ ποτʼ αὐτοῦ Ἱππόνικος ἐξηγήσαιτο note ταῦτα Ἀθηναίοις , ἀκούσειε δὲ ὅτι ἐγὼ θείην τὴν ἱκετηρίαν . ἐντεῦθεν ἀναπηδᾷ Κέφαλος οὑτοσὶ καὶ λέγει ·
1.116“ὦ Καλλία , πάντων ἀνθρώπων ἀνοσιώτατε , πρῶτον μὲν ἐξηγῇ Κηρύκων ὤν , note οὐχ ὅσιον <ὄν > note σοι ἐξηγεῖσθαι · ἔπειτα δὲ νόμον πάτριον λέγεις , ἡ δὲ στήλη παρʼ ᾗ ἕστηκας χιλίας δραχμὰς κελεύει ὀφείλειν , ἐάν τις ἱκετηρίαν θῇ ἐν τῷ Ἐλευσινίῳ . ἔπειτα δὲ τίνος ἤκουσας ὅτι Ἀνδοκίδης θείη τὴν ἱκετηρίαν ; κάλεσον αὐτὸν τῇ βουλῇ , ἵνα καὶ ἡμεῖς ἀκούσωμεν .” ἐπειδὴ δὲ ἀνεγνώσθη ἡ στήλη κἀκεῖνος οὐκ εἶχεν εἰπεῖν ὅτου ἤκουσε , καταφανὴς ἦν τῇ βουλῇ αὐτὸς θεὶς τὴν ἱκετηρίαν .
1.115
| Andocides, Speeches (XML Header) [genre: prose; rhetoric] [word count] [lemma count] [Andoc.]. | ||
| <<Andoc. 1.112 | Andoc. 1.115 (English) | >>Andoc. 1.119 |
