Andocides, Speeches (XML Header) [genre: prose; rhetoric] [word count] [lemma count] [Andoc.]. | ||
<<Andoc. 1.115 | Andoc. 1.119 (English) | >>Andoc. 1.122 |
1.117φέρε δὴ τοίνυν , ὦ ἄνδρες — τάχα γὰρ ἂν αὐτὸ βούλοισθε note πυθέσθαι —, ὁ δὲ Καλλίας τί βουλόμενος ἐτίθη τὴν ἱκετηρίαν ; ἐγὼ δὲ ὑμῖν διηγήσομαι ὧν ὑπʼ αὐτοῦ ἕνεκα ἐπεβουλεύθην . Ἐπίλυκος ἦν ὁ Τεισάνδρου θεῖός μοι , ἀδελφὸς τῆς μητρὸς τῆς ἐμῆς · ἀπέθανε δὲ ἐν Σικελίᾳ ἄπαις ἀρρένων παίδων , θυγατέρας δὲ δύο καταλιπών , αἳ ἐγίγνοντο εἴς τε ἐμὲ καὶ Λέαγρον .
1.118τὰ δὲ πράγματα τὰ οἴκοι πονηρῶς εἶχε · τὴν μὲν γὰρ φανερὰν οὐσίαν οὐδὲ δυοῖν ταλάντοιν κατέλιπε , τὰ δὲ ὀφειλόμενα πλέον ἦν ἢ πέντε τάλαντα . ὅμως δʼ ἐγὼ καλέσας Λέαγρον ἐναντίον τῶν φίλων ἔλεγον ὅτι ταῦτʼ εἴη ἀνδρῶν ἀγαθῶν , ἐν τοῖς τοιούτοις δεικνύναι τὰς οἰκειότητας ἀλλήλοις .
1.119“ἡμᾶς γὰρ οὐ δίκαιόν ἐστιν οὔτε χρήματα ἕτερα note οὔτʼ εὐτυχίαν ἀνδρὸς ἑλέσθαι , ὥστε καταφρονῆσαι τῶν Ἐπιλύκου θυγατέρων . καὶ γὰρ εἰ ἔζη Ἐπίλυκος ἢ τεθνεὼς πολλὰ κατέλιπε χρήματα , ἠξιοῦμεν ἂν γένει ὄντες ἐγγυτάτω ἔχειν τὰς παῖδας . τοιγάρτοι ἐκεῖνα μὲν διʼ Ἐπίλυκον ἂν ἦν ἢ διὰ τὰ χρήματα · νῦν δὲ διὰ τὴν ἡμετέραν ἀρετὴν τάδε ἔσται . τῆς μὲν οὖν σὺ ἐπιδικάζου , τῆς δὲ ἐγώ .”
ὡμολόγησέ μοι , ὦ ἄνδρες . ἐπεδικασάμεθα ἄμφω κατὰ τὴν πρὸς ἡμᾶς ὁμολογίαν . καὶ ἧς μὲν ἐγὼ ἐπεδικασάμην , ἡ παῖς τύχῃ χρησαμένη καμοῦσα ἀπέθανεν · ἡ δʼ ἑτέρα ἔστιν ἔτι . ταύτην Καλλίας ἔπειθε Λέαγρον , χρήματα ὑπισχνούμενος , ἐᾶν αὑτὸν λαβεῖν · αἰσθόμενος δʼ ἐγὼ εὐθὺς ἔθηκα παράστασιν , καὶ ἔλαχον προτέρῳ μὲν Λεάγρῳ , ὅτι “εἰ μὲν σὺ βούλῃ ἐπιδικάζεσθαι , ἔχε τύχῃ ἀγαθῇ ,
1.120
Andocides, Speeches (XML Header) [genre: prose; rhetoric] [word count] [lemma count] [Andoc.]. | ||
<<Andoc. 1.115 | Andoc. 1.119 (English) | >>Andoc. 1.122 |