| Andocides, Speeches (XML Header) [genre: prose; rhetoric] [word count] [lemma count] [Andoc.]. | ||
| <<Andoc. 1.122 | Andoc. 1.125 (English) | >>Andoc. 1.128 |
1.124ἀλλὰ γὰρ τὸν υἱὸν αὐτοῦ τοῦτον , ᾧ λαχεῖν ἠξίωσε τῆς Ἐπιλύκου θυγατρός , σκέψασθε πῶς γέγονε καὶ πῶς ἐποιήσατʼ αὐτόν · ταῦτα γὰρ καὶ ἄξιον ἀκοῦσαι , ὦ ἄνδρες . γαμεῖ μὲν Ἰσχομάχου θυγατέρα · ταύτῃ δὲ συνοικήσας οὐδʼ ἐνιαυτὸν τὴν μητέρα αὐτῆς ἔλαβε , καὶ συνῴκει ὁ πάντων σχετλιώτατος ἀνθρώπων τῇ μητρὶ καὶ τῇ θυγατρί , ἱερεὺς ὢν τῆς μητρὸς καὶ τῆς θυγατρός , καὶ εἶχεν ἐν τῇ οἰκίᾳ ἀμφοτέρας .
καὶ οὗτος μὲν οὐκ ᾐσχύνθη οὐδʼ ἔδεισε τὼ θεώ · ἡ δὲ τοῦ Ἰσχομάχου θυγάτηρ τεθνάναι νομίσασα λυσιτελεῖν ἢ ζῆν ὁρῶσα τὰ γιγνόμενα , ἀπαγχομένη μεταξὺ κατεκωλύθη , note καὶ ἐπειδὴ ἀνεβίω , ἀποδρᾶσα note ἐκ τῆς οἰκίας ᾤχετο , καὶ ἐξήλασεν ἡ μήτηρ τὴν θυγατέρα . ταύτης δʼ αὖ διαπεπλησμένος ἐξέβαλε καὶ ταύτην . ἡ δʼ ἔφη κυεῖν ἐξ αὐτοῦ · καὶ ἐπειδὴ ἔτεκεν υἱόν , ἔξαρνος ἦν μὴ εἶναι ἐξ αὐτοῦ τὸ παιδίον .
1.126λαβόντες δὲ οἱ προσήκοντες τῇ γυναικὶ τὸ παιδίον ἧκον ἐπὶ τὸν βωμὸν Ἀπατουρίοις , ἔχοντες ἱερεῖον , καὶ ἐκέλευον κατάρξασθαι τὸν Καλλίαν . ὁ δʼ ἠρώτα τίνος εἴη τὸ παιδίον · ἔλεγον “Καλλίου τοῦ Ἱππονίκου .” “ἐγώ εἰμι οὗτος .” “καὶ ἔστι γε σὸν τὸ παιδίον .” λαβόμενος τοῦ βωμοῦ ὤμοσεν ἦ μὴν μὴ εἶναί <οἱ > note υἱὸν ἄλλον μηδὲ γενέσθαι πώποτε , εἰ μὴ Ἱππόνικον ἐκ τῆς Γλαύκωνος θυγατρός · ἢ ἐξώλη εἶναι καὶ αὐτὸν καὶ τὴν οἰκίαν , ὥσπερ ἔσται .
1.125
| Andocides, Speeches (XML Header) [genre: prose; rhetoric] [word count] [lemma count] [Andoc.]. | ||
| <<Andoc. 1.122 | Andoc. 1.125 (English) | >>Andoc. 1.128 |
