| Andocides, Speeches (XML Header) [genre: prose; rhetoric] [word count] [lemma count] [Andoc.]. | ||
| <<Andoc. 1.138 | Andoc. 1.141 (English) | >>Andoc. 1.144 |
1.140καὶ μὲν δὴ καὶ τάδε ὑμῖν ἄξιον , ὦ ἄνδρες , ἐνθυμηθῆναι , ὅτι νυνὶ πᾶσι τοῖς Ἕλλησιν ἄνδρες ἄριστοι καὶ εὐβουλότατοι δοκεῖτε γεγενῆσθαι , οὐκ ἐπὶ τιμωρίαν τραπόμενοι τῶν γεγενημένων , ἀλλʼ ἐπὶ σωτηρίαν τῆς πόλεως καὶ ὁμόνοιαν τῶν πολιτῶν . συμφοραὶ μὲν γὰρ ἤδη καὶ ἄλλοις πολλοῖς ἐγένοντο οὐκ ἐλάττους ἢ καὶ ἡμῖν · τὸ δὲ τὰς γενομένας διαφορὰς πρὸς ἀλλήλους θέσθαι καλῶς , τοῦτʼ εἰκότως ἤδη δοκεῖ ἀνδρῶν ἀγαθῶν καὶ σωφρόνων ἔργον εἶναι . ἐπειδὴ τοίνυν παρὰ πάντων ὁμολογουμένως ταῦθʼ ὑμῖν ὑπάρχει , καὶ εἴ τις φίλος ὢν τυγχάνει καὶ εἴ τις ἐχθρός , μὴ μεταγνῶτε , μηδὲ βούλεσθε note τὴν πόλιν ἀποστερῆσαι ταύτης τῆς δόξης , μηδὲ αὐτοὶ δοκεῖν τύχῃ ταῦτα μᾶλλον ἢ γνώμῃ ψηφίσασθαι .
δέομαι οὖν ἁπάντων <ὑμῶν > note περὶ ἐμοῦ τὴν αὐτὴν γνώμην ἔχειν , ἥνπερ καὶ περὶ τῶν ἐμῶν προγόνων , ἵνα κἀμοὶ ἐγγένηται ἐκείνους μιμήσασθαι , ἀναμνησθέντας αὐτῶν ὅτι ὅμοιοι τοῖς πλείστων καὶ μεγίστων ἀγαθῶν αἰτίοις τῇ πόλει γεγένηνται , πολλῶν ἕνεκα σφᾶς αὐτοὺς παρέχοντες τοιούτους , μάλιστα δὲ τῆς εἰς ὑμᾶς εὐνοίας , καὶ ὅπως , εἴ ποτέ τις αὐτοῖς ἢ τῶν ἐξ ἐκείνων τινὶ κίνδυνος γένοιτο note ἢ συμφορά , σῴζοιντο συγγνώμης παρʼ ὑμῶν τυγχάνοντες . εἰκότως δʼ ἂν αὐτῶν μεμνῇσθε ·
1.142καὶ γὰρ τῇ πόλει ἁπάσῃ αἱ τῶν ὑμετέρων note προγόνων ἀρεταὶ πλείστου ἄξιαι ἐγένοντο . ἐπειδὴ γάρ , ὦ ἄνδρες , αἱ νῆες διεφθάρησαν , πολλῶν βουλομένων τὴν πόλιν ἀνηκέστοις συμφοραῖς περιβαλεῖν , Λακεδαιμόνιοι ἔγνωσαν ὅμως τότε ἐχθροὶ ὄντες σῴζειν τὴν πόλιν διὰ τὰς ἐκείνων τῶν ἀνδρῶν ἀρετάς , οἳ ὑπῆρξαν τῆς ἐλευθερίας ἁπάσῃ τῇ Ἑλλάδι .
1.141
| Andocides, Speeches (XML Header) [genre: prose; rhetoric] [word count] [lemma count] [Andoc.]. | ||
| <<Andoc. 1.138 | Andoc. 1.141 (English) | >>Andoc. 1.144 |
