Andocides, Speeches (XML Header) [genre: prose; rhetoric] [word count] [lemma count] [Andoc.]. | ||
<<Andoc. 1.44 | Andoc. 1.46 (English) | >>Andoc. 1.50 |
1.45ἡ δὲ βουλὴ ἐξελθοῦσα ἐν ἀπορρήτῳ συνέλαβεν ἡμᾶς καὶ ἔδησεν ἐν τοῖς ξύλοις . ἀνακαλέσαντες δὲ τοὺς στρατηγοὺς ἀνειπεῖν ἐκέλευσαν Ἀθηναίων τοὺς μὲν ἐν ἄστει οἰκοῦντας ἰέναι εἰς τὴν ἀγορὰν τὰ ὅπλα λαβόντας , τοὺς δʼ ἐν μακρῷ τείχει εἰς τὸ Θησεῖον , τοὺς δʼ ἐν Πειραιεῖ εἰς τὴν Ἱπποδαμείαν ἀγοράν , τοὺς δʼ ἱππέας ἔτι <πρὸ > note νυκτὸς σημῆναι τῇ σάλπιγγι ἥκειν εἰς τὸ Ἀνάκειον , τὴν δὲ βουλὴν εἰς ἀκρόπολιν ἰέναι κἀκεῖ καθεύδειν , τοὺς δὲ πρυτάνεις ἐν τῇ θόλῳ . Βοιωτοὶ δὲ πεπυσμένοι τὰ πράγματα ἐπὶ τοῖς ὁρίοις ἦσαν ἐξεστρατευμένοι . τὸν δὲ τῶν κακῶν τούτων αἴτιον Διοκλείδην ὡς σωτῆρα ὄντα τῆς πόλεως ἐπὶ ζεύγους ἦγον εἰς τὸ πρυτανεῖον στεφανώσαντες , note καὶ ἐδείπνει ἐκεῖ .
πρῶτον μὲν οὖν ταῦτα , ὦ ἄνδρες , ὁπόσοι ὑμῶν παρῆσαν , ἀναμιμνῄσκεσθε καὶ τοὺς ἄλλους διδάσκετε · εἶτα δέ μοι τοὺς πρυτάνεις κάλει τοὺς τότε πρυτανεύσαντας , Φιλοκράτη καὶ τοὺς ἄλλους .φέρε δή , καὶ τὰ ὀνόματα ὑμῖν ἀναγνώσομαι τῶν ἀνδρῶν ὧν ἀπέγραψεν , ἵνʼ εἰδῆτε ὅσους μοι τῶν συγγενῶν ἀπώλλυεν , πρῶτον μὲν τὸν πατέρα , εἶτα δὲ τὸν κηδεστήν , τὸν μὲν συνειδότα ἀποδεικνύς , τοῦ δʼ ἐν τῇ οἰκίᾳ φάσκων τὴν σύνοδον γενέσθαι . τῶν δʼ ἄλλων ἀκούσεσθε τὰ ὀνόματα . καὶ αὐτοῖς ἀναγίγνωσκε .οὗτος ἀνεψιὸς ἐμός · ἡ μήτηρ <ἡ > note ἐκείνου καὶ ὁ πατὴρ ὁ ἐμὸς ἀδελφοί .οὑτοσὶ ἀνεψιὸς τοῦ πατρός .υἱὸς Ταυρέου .ἀνεψιὸς τοῦ πατρός .Καλλίου τοῦ Τηλοκλέους ἀδελφός .ἀνεψιός .ὁ Νικίου ἀδελφός . note κηδεστὴς οὗτος Καλλίου .ἀνεψιὸς note καὶ οὗτος τοῦ πατρός · αἱ μητέρες ἀδελφαί .
1.46
Μάρτυρες
1.47
Χαρμίδης Ἀριστοτέλους .
Ταυρέας .
Νισαῖος .
Καλλίας ὁ Ἀλκμέωνος .
Εὔφημος .
noteΦρύνιχος ὁ Ὀρχησαμενοῦ .
Εὐκράτης .
Κριτίας .
Andocides, Speeches (XML Header) [genre: prose; rhetoric] [word count] [lemma count] [Andoc.]. | ||
<<Andoc. 1.44 | Andoc. 1.46 (English) | >>Andoc. 1.50 |