| Diogenes Laertius, Lives of Eminent Philosophers (XML Header) [word count] [lemma count] [Diog. Laert.]. | ||
| <<Diog. Laert. 1.prologue.8 | Diog. Laert. 1.prologue.10 (English) | >>Diog. Laert. 1.prologue.13 |
1.prologue.9 ὃς καὶ ἀναβιώσεσθαι κατὰ τοὺς Μάγους φησὶ τοὺς ἀνθρώπους καὶ ἀθανάτους ἔσεσθαι , καὶ τὰ ὄντα ταῖς αὐτῶν ἐπικλήσεσι διαμενεῖν . ταῦτα δὲ καὶ Εὔδημος ὁ Ῥόδιος ἱστορεῖ . Ἑκαταῖος δὲ καὶ γενητοὺς τοὺς θεοὺς εἶναι κατʼ αὐτούς . Κλέαρχος δὲ ὁ Σολεὺς ἐν τῷ Περὶ παιδείας καὶ τοὺς Γυμνοσοφιστὰς ἀπογόνους εἶναι τῶν Μάγων φησίν · ἔνιοι δὲ καὶ τοὺς Ἰουδαίους ἐκ τούτων εἶναι . πρὸς τούτοις καταγινώσκουσιν Ἡροδότου οἱ τὰ περὶ Μάγων γράψαντες · μὴ γὰρ ἂν εἰς τὸν ἥλιον βέλη Ξέρξην ἀκοντίσαι , μηδʼ εἰς τὴν θάλασσαν πέδας καθεῖναι , θεοὺς ὑπὸ τῶν Μάγων παραδεδομένους . τὰ μέντοι ἀγάλματα εἰκότως καθαιρεῖν .
1.prologue.10
τὸν κόσμον γενητὸν καὶ φθαρτὸν καὶ σφαιροειδῆ · τοὺς ἀστέρας πῦρ εἶναι , καὶ τῇ τούτων κράσει τὰ ἐπὶ γῆς γίνεσθαι · σελήνην ἐκλείπειν εἰς τὸ σκίασμα τῆς γῆς ἐμπίπτουσαν · τὴν ψυχὴν καὶ ἐπιδιαμένειν καὶ μετεμβαίνειν · ὑετοὺς κατὰ ἀέρος τροπὴν ἀποτελεῖσθαι · τά τε ἄλλα φυσιολογεῖν , ὡς Ἑκαταῖός τε καὶ Ἀρισταγόρας ἱστοροῦσιν . ἔθεσαν δὲ καὶ νόμους ὑπὲρ δικαιοσύνης , οὓς εἰς Ἑρμῆν ἀνήνεγκαν · καὶ τὰ εὔχρηστα τῶν ζῴων θεοὺς ἐδόξασαν . λέγουσι δὲ καὶ ὡς αὐτοὶ γεωμετρίαν τε καὶ ἀστρολογίαν καὶ ἀριθμητικὴν ἀνεῦρον . καὶ τὰ μὲν περὶ τῆς εὑρέσεως ὧδε ἔχει .
| Diogenes Laertius, Lives of Eminent Philosophers (XML Header) [word count] [lemma count] [Diog. Laert.]. | ||
| <<Diog. Laert. 1.prologue.8 | Diog. Laert. 1.prologue.10 (English) | >>Diog. Laert. 1.prologue.13 |
