| Diogenes Laertius, Lives of Eminent Philosophers (XML Header) [word count] [lemma count] [Diog. Laert.]. | ||
| <<Diog. Laert. 9.11.105 | Diog. Laert. 9.11.108 (English) | >>Diog. Laert. 9.12.109 |
9.11.107 πρὸς τοῦτο τὸ κριτήριον τῶν φαινομένων οἱ δογματικοί φασιν ὅτι ὅτʼ ἀπὸ τῶν αὐτῶν διάφοροι προσπίπτουσι φαντασίαι , ὡς ἀπὸ τοῦ πύργου ἢ στρογγύλου ἢ τετραγώνου , ὁ σκεπτικὸς εἰ μὲν οὐδετέραν προκρινεῖ , ἀπρακτήσει · εἰ δὲ τῇ ἑτέρᾳ κατακολουθήσει , οὐκέτι τὸ ἰσοσθενές , φασί , τοῖς φαινομένοις ἀποδώσει . πρὸς οὓς οἱ σκεπτικοί φασιν ὅτι ὅτε προσπίπτουσιν ἀλλοῖαι φαντασίαι , ἑκατέρας ἐροῦμεν φαίνεσθαι · καὶ διὰ τοῦτο τὰ φαινόμενα τιθέναι ὅτι φαίνεται . τέλος δὲ οἱ σκεπτικοί φασι τὴν ἐποχήν , ᾗ σκιᾶς τρόπον ἐπακολουθεῖ ἡ ἀταραξία , ὥς φασιν οἵ τε περὶ τὸν Τίμωνα καὶ Αἰνεσίδημον ·
9.11.108 οὔτε note γὰρ τάδʼ ἑλούμεθα ἢ ταῦτα φευξόμεθα ὅσα περὶ ἡμᾶς ἐστι · τὰ δʼ ὅσα περὶ ἡμᾶς οὐκ ἔστιν , ἀλλὰ κατʼ ἀνάγκην , οὐ δυνάμεθα φεύγειν , ὡς τὸ πεινῆν καὶ διψῆν καὶ ἀλγεῖν · οὐκ ἔστι γὰρ λόγῳ περιελεῖν ταῦτα . λεγόντων δὲ τῶν δογματικῶν ὡς δυνήσεται βιοῦν ὁ σκεπτικὸς μὴ φεύγων τό , εἰ κελευσθείη , κρεουργεῖν τὸν πατέρα , φασὶν οἱ σκεπτικοὶ ὡς δυνήσεται βιοῦν <ὥστε > · · περὶ τῶν δογματικῶν ζητήσεων ἐπέχειν , οὐ περὶ τῶν βιωτικῶν καὶ τηρητικῶν . ὥστε καὶ αἱρούμεθά τι κατὰ τὴν συνήθειαν καὶ φεύγομεν καὶ νόμοις χρώμεθα . τινὲς δὲ καὶ τὴν ἀπάθειαν , ἄλλοι δὲ τὴν πρᾳότητα τέλος εἰπεῖν φασι τοὺς σκεπτικούς .
| Diogenes Laertius, Lives of Eminent Philosophers (XML Header) [word count] [lemma count] [Diog. Laert.]. | ||
| <<Diog. Laert. 9.11.105 | Diog. Laert. 9.11.108 (English) | >>Diog. Laert. 9.12.109 |
