Pausanias, Description of Greece (XML Header) [genre: prose] [word count] [lemma count] [Paus.]. | ||
<<Paus. 10.25.7 | Paus. 10.25.11 (English) | >>Paus. 10.26.3 |
10.25.9γυναῖκες δὲ αἱ Τρῳάδες αἰχμαλώτοις τε ἤδη καὶ ὀδυρομέναις ἐοίκασι . γέγραπται μὲν Ἀνδρομάχη , καὶ ὁ παῖς οἱ προσέστηκεν ἑλόμενος τοῦ μαστοῦ —τούτῳ Λέσχεως ῥιφθέντι ἀπὸ τοῦ πύργου συμβῆναι λέγει τὴν τελευτήν · οὐ μὴν ὑπὸ δόγματός γε Ἑλλήνων , ἀλλʼ ἰδίᾳ Νεοπτόλεμον αὐτόχειρα ἐθελῆσαι γενέσθαι —, γέγραπται δὲ Μηδεσικάστη , θυγατέρων μὲν Πριάμου καὶ αὕτη τῶν νόθων , ἐξῳκίσθαι δὲ ἐς Πήδαιον πόλιν φησὶν αὐτὴν Ὅμηρος Ἰμβρίῳ Μέντορος παιδὶ ἀνδρὶ ἐς Πήδαιον συνοικοῦσαν .
10.25.10ἡ μὲν δὴ Ἀνδρομάχη καὶ ἡ Μηδεσικάστη καλύμματά εἰσιν ἐπικείμεναι , Πολυξένη δὲ κατὰ τὰ εἰθισμένα παρθένοις ἀναπέπλεκται τὰς ἐν τῇ κεφαλῇ τρίχας · ἀποθανεῖν δὲ αὐτὴν ἐπὶ τῷ Ἀχιλλέως μνήματι ποιηταί τε ᾄδουσι καὶ γραφὰς ἔν τε Ἀθήναις καὶ Περγάμῳ τῇ ὑπὲρ Καΐκου θεασάμενος οἶδα ἐχούσας ἐς τῆς Πολυξένης τὰ παθήματα .
10.25.11γέγραφε δὲ καὶ Νέστορα τῇ κεφαλῇ τε ἐπικείμενον πῖλον καὶ ἐν τῇ χειρὶ δόρυ ἔχοντα · καὶ ἵππος κονίεσθαι μέλλοντος παρέχεται σχῆμα · ἄχρι μὲν δὴ τοῦ ἵππου αἰγιαλός τε καὶ ἐν αὐτῷ ψηφῖδες ὑποφαίνονται , τὸ δὲ ἐντεῦθεν οὐκέτι ἔοικεν εἶναι θάλασσα .
ch. 26
10.26.1
Pausanias, Description of Greece (XML Header) [genre: prose] [word count] [lemma count] [Paus.]. | ||
<<Paus. 10.25.7 | Paus. 10.25.11 (English) | >>Paus. 10.26.3 |