Pausanias, Description of Greece (XML Header) [genre: prose] [word count] [lemma count] [Paus.]. | ||
<<Paus. 8.25.5 | Paus. 8.25.8 (English) | >>Paus. 8.25.12 |
8.25.7τὸ μὲν δὴ τῆς Ἐρινύος τήν τε κίστην καλουμένην ἔχει καὶ ἐν τῇ δεξιᾷ δᾷδα , μέγεθος δὲ εἰκάζομεν ἐννέα εἶναι ποδῶν αὐτήν · ἡ Λουσία δὲ ποδῶν ἓξ ἐφαίνετο εἶναι . ὅσοι δὲ Θέμιδος καὶ οὐ Δήμητρος τῆς Λουσίας τὸ ἄγαλμα εἶναι νομίζουσι , μάταια ἴστωσαν ὑπειληφότες . τὴν δὲ Δήμητρα τεκεῖν φασιν ἐκ τοῦ Ποσειδῶνος θυγατέρα , ἧς τὸ ὄνομα ἐς ἀτελέστους λέγειν οὐ νομίζουσι , καὶ ἵππον τὸν Ἀρείονα · ἐπὶ τούτῳ δὲ παρὰ σφίσιν Ἀρκάδων πρώτοις Ἵππιον Ποσειδῶνα ὀνομασθῆναι .
8.25.8ἐπάγονται δὲ ἐξ Ἰλιάδος ἔπη καὶ ἐκ Θηβαΐδος μαρτύριά σφισιν εἶναι τῷ λόγῳ , ἐν μὲν Ἰλιάδι ἐς αὐτὸν Ἀρείονα πεποιῆσθαι , ἐν δὲ τῇ Θηβαΐδι ὡς Ἄδραστος ἔφευγεν ἐκ Θηβῶν αἰνίσσεσθαι οὖν ἐθέλουσι τὰ ἔπη Ποσειδῶνα Ἀρείονι εἶναι πατέρα , Ἀντίμαχος δὲ παῖδα εἶναι Γῆς φησιν ·
8.25.9δύναιτο δʼ ἂν καὶ ἀναφύντι ἐκ γῆς τῷ ἵππῳ ἐκ θεοῦ τε εἶναι τὸ γένος καὶ αἱ τρίχες οἱ τὴν χρόαν ἐοικέναι κυανῷ . λέγεται δὲ καὶ τοιάδε , Ἡρακλέα πολεμοῦντα Ἠλείοις αἰτῆσαι παρʼ Ὄγκου τὸν ἵππον καὶ ἑλεῖν τὴν Ἦλιν ἐπὶ τῷ Ἀρείονι ὀχούμενον ἐς τὰς μάχας , δοθῆναι δὲ ὑπὸ Ἡρακλέους ὕστερον Ἀδράστῳ τὸν ἵππον . ἐπὶ τούτῳ δὲ ἐς τὸν Ἀρείονα ἐποίησεν Ἀντίμαχος
Hom. Il. 23.346οὐδʼ εἴ κεν μετόπισθεν Ἀρείονα δῖον ἐλαύνοι ,
Ἀδρήστου ταχὺν ἵππον ,ὃς ἐκ θεόφιν γένος ἦεν ·
Thebaid, unknown location.εἵματα λυγρὰ φέρων σὺν Ἀρείονι κυανοχαίτῃ .
Antimachus, unknown location. 8.25.10Ἄδρηστος Ταλαὼ υἱὸς Κρηθηιάδαο
πρώτιστος Δαναῶν ἑὼ αἰνέτω ἤλασεν ἵππω ,
Καιρόν τε κραιπνὸν καὶ Ἀρείονα Θελπουσαῖον ,
τόν ῥά τʼ Ἀπόλλωνος σχεδὸν ἄλσεος Ὀγκαίοιο
αὐτὴ Γαῖʼ ἀνέδωκε ,σέβας θνητοῖσιν ἰδέσθαι .
Antimachus, unknown location.ὅς ῥά ποτʼ Ἀδρήστῳ τριτάτῳ δέδμηθʼ ὑπʼ ἄνακτι .
Pausanias, Description of Greece (XML Header) [genre: prose] [word count] [lemma count] [Paus.]. | ||
<<Paus. 8.25.5 | Paus. 8.25.8 (English) | >>Paus. 8.25.12 |