| Pausanias, Description of Greece (XML Header) [genre: prose] [word count] [lemma count] [Paus.]. | ||
| <<Paus. 9.16.1 | Paus. 9.16.4 (English) | >>Paus. 9.16.7 |
9.16.2φέρει μὲν δὴ Πλοῦτον παῖδα · ὡς δὲ Θηβαῖοι λέγουσι , χεῖρας μὲν τοῦ ἀγάλματος καὶ πρόσωπον Ξενοφῶν εἰργάσατο Ἀθηναῖος , Καλλιστόνικος δὲ τὰ λοιπὰ ἐπιχώριος . σοφὸν μὲν δὴ καὶ τούτοις τὸ βούλευμα , ἐσθεῖναι Πλοῦτον ἐς τὰς χεῖρας ἅτε μητρὶ ἢ τροφῷ τῇ Τύχῃ , σοφὸν δὲ οὐχ ἧσσον τὸ Κηφισοδότου καὶ γὰρ οὗτος τῆς Εἰρήνης τὸ ἄγαλμα Ἀθηναίοις Πλοῦτον ἔχουσαν πεποίηκεν .
Ἀφροδίτης δὲ Θηβαίοις ξόανά ἐστιν οὕτω δὴ ἀρχαῖα ὥστε καὶ ἀναθήματα Ἁρμονίας εἶναί φασιν αὐτά , ἐργασθῆναι δὲ αὐτὰ ἀπὸ τῶν ἀκροστολίων , ἃ ταῖς Κάδμου ναυσὶν ἦν ξύλου πεποιημένα . καλοῦσι δὲ Οὐρανίαν , τὴν δὲ αὐτῶν Πάνδημον καὶ Ἀποστροφίαν τὴν τρίτην · ἔθετο δὲ τῇ Ἀφροδίτῃ τὰς ἐπωνυμίας ἡ Ἁρμονία , τὴν μὲν Οὐρανίαν ἐπὶ ἔρωτι καθαρῷ καὶ
9.16.4ἀπηλλαγμένῳ πόθου σωμάτων , Πάνδημον δὲ ἐπὶ ταῖς μίξεσι , τρίτα δὲ Ἀποστροφίαν , ἵνα ἐπιθυμίας τε ἀνόμου καὶ ἔργων ἀνοσίων ἀποστρέφῃ τὸ γένος τῶν ἀνθρώπων · πολλὰ γὰρ τὰ μὲν ἐν βαρβάροις ἠπίστατο ἡ Ἁρμονία , τὰ δὲ καὶ παρʼ Ἕλλησιν ἤδη τετολμημένα , ὁποῖα καὶ ὕστερον ἐπὶ τῇ Ἀδώνιδος μητρὶ καὶ ἐς Φαίδραν τε τὴν Μίνω καὶ ἐς τὸν Θρᾷκα Τηρέα ᾄδεται .
τὸ δὲ τῆς Δήμητρος ἱερὸν τῆς Θεσμοφόρου Κάδμου καὶ τῶν ἀπογόνων οἰκίαν ποτὲ εἶναι λέγουσι · Δήμητρος δὲ ἄγαλμα ὅσον ἐς στέρνα ἐστὶν ἐν τῷ φανερῷ . καὶ ἀσπίδες ἐνταῦθα ἀνάκεινται χαλκαῖ · Λακεδαιμονίων δέ , ὁπόσοι τῶν ἐν τέλει περὶ Λεῦκτρα ἐτελεύτησαν , φασὶν εἶναι .
9.16.3
9.16.5
| Pausanias, Description of Greece (XML Header) [genre: prose] [word count] [lemma count] [Paus.]. | ||
| <<Paus. 9.16.1 | Paus. 9.16.4 (English) | >>Paus. 9.16.7 |
