| Pausanias, Description of Greece (XML Header) [genre: prose] [word count] [lemma count] [Paus.]. | ||
| <<Paus. 9.31.6 | Paus. 9.31.9 (English) | >>Paus. 9.32.4 |
9.31.8ἔχει δὲ καὶ ἕτερος ἐς αὐτὸν λόγος , ἧσσον μὲν τοῦ προτέρου γνώριμος , λεγόμενος δὲ καὶ οὗτος , ἀδελφὴν γενέσθαι Ναρκίσσῳ δίδυμον , τά τε ἄλλα ἐς ἅπαν ὅμοιον τὸ εἶδος καὶ ἀμφοτέροις ὡσαύτως κόμην εἶναι καὶ ἐσθῆτα ἐοικυῖαν αὐτοὺς ἐνδύεσθαι καὶ δὴ καὶ ἐπὶ θήραν ἰέναι μετὰ ἀλλήλων · Νάρκισσον δὲ ἐρασθῆναι τῆς ἀδελφῆς , καὶ ὡς ἀπέθανεν ἡ παῖς , φοιτῶντα ἐπὶ τὴν πηγὴν συνιέναι μὲν ὅτι τὴν ἑαυτοῦ σκιὰν ἑώρα , εἶναι δέ οἱ καὶ συνιέντι ῥᾳστώνην τοῦ ἔρωτος ἅτε οὐχ ἑαυτοῦ σκιὰν δοξάζοντι ἀλλὰ εἰκόνα ὁρᾶν τῆς ἀδελφῆς .
9.31.9νάρκισσον δὲ ἄνθος ἡ γῆ καὶ πρότερον ἔφυεν ἐμοὶ δοκεῖν , εἰ τοῖς Πάμφω τεκμαίρεσθαι χρή τι ἡμᾶς ἔπεσι · γεγονὼς γὰρ πολλοῖς πρότερον ἔτεσιν ἢ Νάρκισσος ὁ Θεσπιεὺς Κόρην τὴν Δήμητρός φησιν ἁρπασθῆναι παίζουσαν καὶ ἄνθη συλλέγουσαν , ἁρπασθῆναι δὲ οὐκ ἴοις ἀπατηθεῖσαν ἀλλὰ ναρκίσσοις .
ch. 32
9.32.1
| Pausanias, Description of Greece (XML Header) [genre: prose] [word count] [lemma count] [Paus.]. | ||
| <<Paus. 9.31.6 | Paus. 9.31.9 (English) | >>Paus. 9.32.4 |
