| Plato, Laws (XML Header) [genre: prose] [word count] [lemma count] [Pl. Leg.]. | ||
| <<Pl. Leg. 784d | Pl. Leg. 785b (English) | >>Pl. Leg. 788b |
784eἀναγραφῇ καὶ μὴ ἕλῃ τὴν δίκην . ὅταν δὲ δὴ παῖδας γεννήσωνται κατὰ νόμους , ἐὰν ἀλλοτρίᾳ τις περὶ τὰ τοιαῦτα κοινωνῇ γυναικὶ ἢ γυνὴ ἀνδρί , ἐὰν μὲν παιδοποιουμένοις ἔτι , τὰ αὐτὰ ἐπιζήμια αὐτοῖς ἔστω καθάπερ τοῖς ἔτι γεννωμένοις εἴρηται · μετὰ δὲ ταῦτα ὁ μὲν σωφρονῶν καὶ σωφρονοῦσα εἰς τὰ τοιαῦτα ἔστω πάντα εὐδόκιμος , ὁ δὲ τοὐναντίον ἐναντίως τιμάσθω , μᾶλλον δὲ ἀτιμαζέσθω . καὶ μετριαζόντων μὲν
785aπερὶ τὰ τοιαῦτα τῶν πλειόνων ἀνομοθέτητα σιγῇ κείσθω , ἀκοσμούντων δὲ νομοθετηθέντα ταύτῃ πραττέσθω κατὰ τοὺς τότε τεθέντας νόμους . βίου μὲν ἀρχὴ τοῦ παντὸς ἑκάστοις ὁ πρῶτος ἐνιαυτός · ὃν γεγράφθαι χρεὼν ἐν ἱεροῖσι πατρῴοις ζωῆς ἀρχή . κόρῳ καὶ κόρῃ παραγεγράφθω δʼ ἐν τοίχῳ λελευκωμένῳ ἐν πάσῃ φρατρίᾳ τὸν ἀριθμὸν τῶν ἀρχόντων τῶν ἐπὶ τοῖς ἔτεσιν ἀριθμουμένων · τῆς δὲ φρατρίας ἀεὶ
785bτοὺς ζῶντας μὲν γεγράφθαι πλησίον , τοὺς δʼ ὑπεκχωροῦντας τοῦ βίου ἐξαλείφειν . γάμου δὲ ὅρον εἶναι κόρῃ μὲν ἀπὸ ἑκκαίδεκα ἐτῶν εἰς εἴκοσι , τὸν μακρότατον χρόνον ἀφωρισμένον , κόρῳ δὲ ἀπὸ τριάκοντα μέχρι τῶν πέντε καὶ τριάκοντα · εἰς δὲ ἀρχὰς γυναικὶ μὲν τετταράκοντα , ἀνδρὶ δὲ τριάκοντα ἔτη · πρὸς πόλεμον δὲ ἀνδρὶ μὲν εἴκοσι μέχρι τῶν ἑξήκοντα ἐτῶν · γυναικὶ δέ , ἣν ἂν δοκῇ χρείαν δεῖν χρῆσθαι πρὸς τὰ πολεμικά , ἐπειδὰν παῖδας γεννήσῃ , τὸ δυνατὸν καὶ πρέπον ἑκάσταις προστάττειν μέχρι τῶν πεντήκοντα ἐτῶν .
| Plato, Laws (XML Header) [genre: prose] [word count] [lemma count] [Pl. Leg.]. | ||
| <<Pl. Leg. 784d | Pl. Leg. 785b (English) | >>Pl. Leg. 788b |
