| Plato, Laws (XML Header) [genre: prose] [word count] [lemma count] [Pl. Leg.]. | ||
| <<Pl. Leg. 966e | Pl. Leg. 967d (English) | >>Pl. Leg. 968c |
967cδιανοηθέντες δὲ ὡς νεώτερον , ἅπανθʼ ὡς εἰπεῖν ἔπος ἀνέτρεψαν πάλιν , ἑαυτοὺς δὲ πολὺ μᾶλλον · τὸ γὰρ δὴ πρὸ τῶν ὀμμάτων , πάντα αὐτοῖς ἐφάνη , τὰ κατʼ οὐρανὸν φερόμενα , μεστὰ εἶναι λίθων καὶ γῆς καὶ πολλῶν ἄλλων ἀψύχων σωμάτων διανεμόντων τὰς αἰτίας παντὸς τοῦ κόσμου . ταῦτʼ ἦν τὰ τότε ἐξειργασμένα πολλὰς ἀθεότητας καὶ δυσχερείας τῶν τοιούτων ἅπτεσθαι , καὶ δὴ καὶ λοιδορήσεις γε ἐπῆλθον ποιηταῖς , τοὺς φιλοσοφοῦντας κυσὶ ματαίαις ἀπεικάζοντας
967dχρωμέναισιν ὑλακαῖς , ἄλλα τε αὖ ἀνόητʼ εἰπεῖν · νῦν δέ , ὅπερ εἴρηται , πᾶν τοὐναντίον ἔχει .Κλεινίας
ἐν τοῖς ἄστροις νοῦν τῶν ὄντων τά τε πρὸ τούτων ἀναγκαῖα μαθήματα λάβῃ , τά τε κατὰ τὴν μοῦσαν τούτοις τῆς κοινωνίας συνθεασάμενος , χρήσηται πρὸς τὰ τῶν ἠθῶν ἐπιτηδεύματα καὶ νόμιμα συναρμοττόντως , ὅσα τε λόγον ἔχει , τούτων δυνατὸς
968aᾖ δοῦναι τὸν λόγον · ὁ δὲ μὴ ταῦθʼ οἷός τʼ ὢν πρὸς ταῖς δημοσίαις ἀρεταῖς κεκτῆσθαι σχεδὸν ἄρχων μὲν οὐκ ἄν ποτε γένοιτο ἱκανὸς ὅλης πόλεως , ὑπηρέτης δʼ ἂν ἄλλοις ἄρχουσιν . ὁρᾶν δὴ χρεὼν νῦν , ὦ Κλεινία καὶ Μέγιλλε , ἤδη πρὸς τοῖς εἰρημένοις νόμοις ἅπασιν ὅσους διεληλύθαμεν εἰ καὶ τοῦτον προσοίσομεν , ὡς φυλακὴν ἐσόμενον κατὰ νόμον χάριν σωτηρίας τὸν τῶν ἀρχόντων νυκτερινὸν σύλλογον ,
| Plato, Laws (XML Header) [genre: prose] [word count] [lemma count] [Pl. Leg.]. | ||
| <<Pl. Leg. 966e | Pl. Leg. 967d (English) | >>Pl. Leg. 968c |
