Plato, Timaeus (XML Header) [genre: prose] [word count] [lemma count] [Pl. Ti.]. | ||
<<Pl. Ti. 21b | Pl. Ti. 21e (English) | >>Pl. Ti. 22c |
21dκαταμελῆσαι , κατά γε ἐμὴν δόξαν οὔτε Ἡσίοδος οὔτε Ὅμηρος οὔτε ἄλλος οὐδεὶς ποιητὴς εὐδοκιμώτερος ἐγένετο ἄν ποτε αὐτοῦ .” “τίς δʼ ἦν ὁ λόγος ,” ἦ δʼ ὅς , “ὦ Κριτία ;” “ἦ περὶ μεγίστης ,” ἔφη , “καὶ ὀνομαστοτάτης πασῶν δικαιότατʼ ἂν πράξεως οὔσης , ἣν ἥδε ἡ πόλις ἔπραξε μέν , διὰ δὲ χρόνον καὶ φθορὰν τῶν ἐργασαμένων οὐ διήρκεσε δεῦρο ὁ λόγος .” “λέγε ἐξ ἀρχῆς ,” ἦ δʼ ὅς , “τί τε καὶ πῶς καὶ παρὰ τίνων ὡς ἀληθῆ διακηκοὼς ἔλεγεν ὁ Σόλων .”
ἔστιν τις κατʼ Αἴγυπτον ,” ἦ δʼ ὅς , “ἐν τῷ Δέλτα , περὶ ὃν κατὰ κορυφὴν σχίζεται τὸ τοῦ Νείλου ῥεῦμα Σαϊτικὸς ἐπικαλούμενος νομός , τούτου δὲ τοῦ νομοῦ μεγίστη πόλις Σάις —ὅθεν δὴ καὶ Ἄμασις ἦν ὁ βασιλεύς —οἷς τῆς πόλεως θεὸς ἀρχηγός τίς ἐστιν , Αἰγυπτιστὶ μὲν τοὔνομα Νηίθ , Ἑλληνιστὶ δέ , ὡς ὁ ἐκείνων λόγος , Ἀθηνᾶ · μάλα δὲ φιλαθήναιοι καί τινα τρόπον οἰκεῖοι τῶνδʼ εἶναί φασιν . οἷ δὴ Σόλων ἔφη πορευθεὶς σφόδρα τε γενέσθαι παρʼ αὐτοῖς ἔντιμος ,
22aκαὶ δὴ καὶ τὰ παλαιὰ ἀνερωτῶν ποτε τοὺς μάλιστα περὶ ταῦτα τῶν ἱερέων ἐμπείρους , σχεδὸν οὔτε αὑτὸν οὔτε ἄλλον Ἕλληνα οὐδένα οὐδὲν ὡς ἔπος εἰπεῖν εἰδότα περὶ τῶν τοιούτων ἀνευρεῖν . καί ποτε προαγαγεῖν βουληθεὶς αὐτοὺς περὶ τῶν ἀρχαίων εἰς λόγους , τῶν τῇδε τὰ ἀρχαιότατα λέγειν ἐπιχειρεῖν , περὶ Φορωνέως τε τοῦ πρώτου λεχθέντος καὶ Νιόβης , καὶ μετὰ τὸν κατακλυσμὸν αὖ περὶ Δευκαλίωνος
21e“
Plato, Timaeus (XML Header) [genre: prose] [word count] [lemma count] [Pl. Ti.]. | ||
<<Pl. Ti. 21b | Pl. Ti. 21e (English) | >>Pl. Ti. 22c |
![Powered by PhiloLogic](/philologic/philopowered.png)