Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 1.11.6 | Polyb. 1.11.15 (English) | >>Polyb. 1.12.7 |
1.11.11 τὸ μὲν πρῶτον διεπρεσβεύετο πρὸς ἀμφοτέρους , βουλόμενος ἐξελέσθαι τοῦ πολέμου τοὺς Μαμερτίνους · οὐδενὸς δὲ προσέχοντος αὐτῷ ,
1.11.12 τέλος ἐπαναγκαζόμενος ἔκρινε διακινδυνεύειν καὶ πρῶτον ἐγχειρεῖν τοῖς Συρακοσίοις .
1.11.13 ἐξαγαγὼν δὲ τὴν δύναμιν παρέταξε πρὸς μάχην , ἑτοίμως εἰς τὸν ἀγῶνα συγκαταβάντος αὐτῷ καὶ τοῦ τῶν Συρακοσίων βασιλέως ·
1.11.14 ἐπὶ πολὺν δὲ χρόνον διαγωνισάμενος ἐπεκράτησεν τῶν πολεμίων καὶ κατεδίωξε τοὺς ὑπεναντίους ἕως εἰς τὸν χάρακα πάντας .
1.11.15 Ἄππιος μὲν οὖν σκυλεύσας τοὺς νεκροὺς ἐπανῆλθεν πάλιν εἰς τὴν Μεσσήνην . ὁ δʼ Ἱέρων ὀττευσάμενός τι περὶ τῶν ὅλων πραγμάτων , ἐπιγενομένης τῆς νυκτὸς ἀνεχώρησε κατὰ σπουδὴν
1.12.1
παραγγείλας οὖν τοῖς στρατιώταις ἐν ὥρᾳ γίνεσθαι τὴν θεραπείαν , ἅμα τῷ φωτὶ τὴν ἔξοδον ἐποιεῖτο .
1.12.3 συμβαλὼν δὲ τοῖς ὑπεναντίοις πολλοὺς μὲν αὐτῶν ἀπέκτεινε , τοὺς δὲ λοιποὺς ἠνάγκασε φυγεῖν προτροπάδην εἰς τὰς παρακειμένας πόλεις .
1.12.4 χρησάμενος δὲ τοῖς εὐτυχήμασι τούτοις καὶ λύσας τὴν πολιορκίαν , λοιπὸν ἐπιπορευόμενος ἀδεῶς ἐπόρθει τήν τε τῶν Συρακοσίων καὶ τὴν τῶν συμμαχούντων αὐτοῖς χώραν , οὐδενὸς ἀντιποιουμένου τῶν ὑπαίθρων · τὸ δὲ τελευταῖον προσκαθίσας αὐτὰς ἐπεβάλετο πολιορκεῖν τὰς Συρακούσας .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 1.11.6 | Polyb. 1.11.15 (English) | >>Polyb. 1.12.7 |