| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 1.1.1 | Polyb. 1.2.2 (English) | >>Polyb. 1.3.1 |
1.1.6 τίς δὲ πάλιν οὕτως ἐκπαθὴς πρός τι τῶν ἄλλων θεαμάτων ἢ μαθημάτων ὃς προυργιαίτερον ἄν τι ποιήσαιτο τῆσδε τῆς ἐμπειρίας ;
1.2.1
εἰσὶ δʼ αἱ τῆς παραβολῆς ἄξιαι καὶ συγκρίσεως αὗται . Πέρσαι κατά τινας καιροὺς μεγάλην ἀρχὴν κατεκτήσαντο καὶ δυναστείαν · ἀλλʼ ὁσάκις ἐτόλμησαν ὑπερβῆναι τοὺς τῆς Ἀσίας ὅρους , οὐ μόνον ὑπὲρ τῆς ἀρχῆς , ἀλλὰ καὶ περὶ σφῶν ἐκινδύνευσαν .
1.2.3 Λακεδαιμόνιοι πολλοὺς ἀμφισβητήσαντες χρόνους ὑπὲρ τῆς τῶν Ἑλλήνων ἡγεμονίας , ἐπειδή ποτʼ ἐκράτησαν , μόλις ἔτη δώδεκα κατεῖχον αὐτὴν ἀδήριτον .
1.2.4 Μακεδόνες τῆς μὲν Εὐρώπης ἦρξαν ἀπὸ τῶν κατὰ τὸν Ἀδρίαν τόπων ἕως ἐπὶ τὸν Ἴστρον ποταμόν , ὃ βραχὺ παντελῶς ἂν φανείη μέρος τῆς προειρημένης χώρας ·
1.2.5 μετὰ δὲ ταῦτα προσέλαβον τὴν τῆς Ἀσίας ἀρχήν , καταλύσαντες τὴν τῶν Περσῶν δυναστείαν . ἀλλʼ ὅμως οὗτοι πλείστων δόξαντες καὶ τόπων καὶ πραγμάτων γενέσθαι κύριοι , τὸ πολὺ μέρος ἀκμὴν ἀπέλιπον τῆς οἰκουμένης ἀλλότριον .
1.2.6 Σικελίας μὲν γὰρ καὶ Σαρδοῦς καὶ Λιβύης οὐδʼ ἐπεβάλοντο καθάπαξ ἀμφισβητεῖν , τῆς δʼ Εὐρώπης τὰ μαχιμώτατα γένη τῶν προσεσπερίων ἐθνῶν ἰσχνῶς εἰπεῖν οὐδʼ ἐγίνωσκον .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 1.1.1 | Polyb. 1.2.2 (English) | >>Polyb. 1.3.1 |
