Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 1.28.7 | Polyb. 1.28.13 (English) | >>Polyb. 1.29.5 |
1.28.11 παραπλήσιον γὰρ ἦν ἤδη τὸ γινόμενον πολιορκίᾳ · καὶ πάντες ἂν ἀπολώλεισαν οὗτοί γε προφανῶς , εἰ μὴ δεδιότες τοὺς κόρακας οἱ Καρχηδόνιοι περιφράξαντες μὲν αὐτοὺς πρὸς τῇ γῇ συνεῖχον , πρὸς δὲ τὰς ἐμβολὰς διὰ τὴν συμπλοκὴν εὐλαβῶς ἔχοντες οὐ προσῄεσαν .
1.28.12 ταχέως δʼ ἐπιγενόμενοι καὶ κυκλώσαντες οἱ στρατηγοὶ τοὺς Καρχηδονίους αὐτάνδρους μὲν ἔλαβον πεντήκοντα ναῦς τῶν πολεμίων , ὀλίγαι δέ τινες παρὰ τὴν γῆν ἐξελίξασαι διέφυγον .
1.28.13 ὁ μὲν οὖν κατὰ μέρος κίνδυνος τοιαύτην ἔσχε τὴν διάθεσιν , τὸ δὲ τέλος τῆς συμπάσης ναυμαχίας ἐγένετο κατὰ τοὺς Ῥωμαίους .
1.28.14 διεφθάρη δὲ τούτων μὲν εἴκοσι καὶ τέτταρα σκάφη , τῶν δὲ Καρχηδονίων ὑπὲρ τριάκοντα . ναῦς δὲ τῶν μὲν Ῥωμαίων αὔτανδρος οὐδεμία τοῖς πολεμίοις ἐγένεθʼ ὑποχείριος , τῶν δὲ Καρχηδονίων ἑξήκοντα καὶ τέτταρες .
1.29.1
προσσχόντες δὲ ταῖς πρώταις πλεούσαις ναυσὶν ὑπὸ τὴν ἄκραν τὴν Ἑρμαίαν ἐπονομαζομένην , ἣ πρὸ παντὸς τοῦ περὶ τὴν Καρχηδόνα κόλπου κειμένη προτείνει πελάγιος ὡς πρὸς τὴν Σικελίαν , καὶ προσδεξάμενοι τὰς ἐπιπλεούσας ἐνταῦθα ναῦς καὶ πάντα συναθροίσαντες τὸν στόλον ἔπλεον παρὰ τὴν χώραν , ἕως ἐπὶ τὴν Ἀσπίδα καλουμένην πόλιν ἀφίκοντο .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 1.28.7 | Polyb. 1.28.13 (English) | >>Polyb. 1.29.5 |