| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 1.29.4 | Polyb. 1.29.10 (English) | >>Polyb. 1.30.8 |
1.29.7 οὐδενὸς δʼ ἐμποδὼν ἱσταμένου , πολλὰς μὲν οἰκήσεις περιττῶς κατεσκευασμένας διέφθειραν , πολὺ δὲ πλῆθος τῆς τετραπόδου λείας περιεβάλοντο · σώματα δὲ πλείω τῶν δισμυρίων ἐπὶ τὰς ναῦς ἀνήγαγον .
1.29.8 ἐν δὲ τούτῳ τῷ καιρῷ παρῆσαν ἐκ τῆς Ῥώμης οἱ διασαφοῦντες ὅτι δεῖ τὸν μὲν ἕνα τῶν στρατηγῶν μένειν ἔχοντα δυνάμεις τὰς ἀρκούσας , τὸν δʼ ἕτερον ἀποκομίζειν εἰς τὴν Ῥώμην τὸν στόλον .
1.29.9 ὁ μὲν οὖν Μάρκος ἔμενεν , ὑπολειπόμενος ναῦς τετταράκοντα καὶ πεζοὺς μυρίους καὶ πεντακισχιλίους , ἱππεῖς δὲ πεντακοσίους ·
1.29.10 ὁ δὲ Λεύκιος ἀναλαβὼν τὰ πληρώματα καὶ τὸ τῶν αἰχμαλώτων πλῆθος καὶ κομισθεὶς παρὰ τὴν Σικελίαν ἀσφαλῶς ἧκεν εἰς τὴν Ῥώμην .
1.30.1
ὁ δʼ ἀναλαβὼν ἱππεῖς πεντακοσίους καὶ πεζοὺς πεντακισχιλίους παρῆν εἰς τὴν Καρχηδόνα · καὶ κατασταθεὶς στρατηγὸς τρίτος ἐβουλεύετο μετὰ τῶν περὶ τὸν Ἀσδρούβαν πῶς δεῖ χρῆσθαι τοῖς παροῦσιν .
1.30.3 ἔδοξεν οὖν αὐτοῖς βοηθεῖν τῇ χώρᾳ καὶ μὴ περιορᾶν αὐτὴν ἀδεῶς πορθουμένην .
1.30.4 ὁ δὲ Μάρκος μετά τινας ἡμέρας ἐπεπορεύετο , τὰ μὲν ἀτείχιστα τῶν ἐρυμάτων ἐξ ἐφόδου διαρπάζων , τὰ δὲ τετειχισμένα πολιορκῶν .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 1.29.4 | Polyb. 1.29.10 (English) | >>Polyb. 1.30.8 |
