Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 1.40.15 | Polyb. 1.41.7 (English) | >>Polyb. 1.42.7 |
1.41.4 καθορμισθέντες δὲ πρὸς τὸ Λιλύβαιον , ἅμα καὶ τῶν πεζικῶν ἐκεῖ στρατοπέδων αὐτοῖς ἀπηντηκότων , ἐνεχείρουν πολιορκεῖν , ὅτι κρατήσαντες ταύτης ῥᾳδίως μεταβιβάσουσι τὸν πόλεμον εἰς τὴν Λιβύην .
1.41.5 σχεδὸν δὲ περί γε τούτου τοῦ μέρους καὶ τῶν Καρχηδονίων οἱ προεστῶτες ὡμοδόξουν καὶ τοὺς αὐτοὺς εἶχον λογισμοὺς τοῖς Ῥωμαίοις .
1.41.6 διὸ καὶ τἄλλα πάρεργα ποιησάμενοι περὶ τὸ βοηθεῖν ἐγίνοντο καὶ παραβάλλεσθαι καὶ πᾶν ὑπομένειν ὑπὲρ τῆς προειρημένης πόλεως διὰ τὸ μηδεμίαν ἀφορμὴν καταλείπεσθαι σφίσιν , πάσης δὲ τῆς ἄλλης Σικελίας ἐπικρατεῖν Ῥωμαίους πλὴν Δρεπάνων .
1.41.7 ἵνα δὲ μὴ τοῖς ἀγνοοῦσι τοὺς τόπους ἀσαφῆ τὰ λεγόμενα γίνηται , πειρασόμεθα διὰ βραχέων ἀγαγεῖν εἰς ἔννοιαν τῆς εὐκαιρίας καὶ θέσεως αὐτῶν τοὺς ἐντυγχάνοντας .
1.42.1
τούτῳ δʼ αὐτῷ διαφέρειν ἀλλήλων , ᾗ ʼκείνη μὲν χερρόνησός ἐστιν , αὕτη δὲ νῆσος · ἧς μὲν γὰρ ὁ μεταξὺ τόπος ἐστὶ πορευτός , ἧς δὲ πλωτός .
1.42.3 τὸ δὲ σχῆμα τῆς Σικελίας ἐστὶ μὲν τρίγωνον , αἱ δὲ κορυφαὶ τῶν γωνιῶν ἑκάστης ἀκρωτηρίων λαμβάνουσι τάξεις ,
1.42.4 ὧν τὸ μὲν πρὸς μεσημβρίαν νεῦον , εἰς δὲ τὸ Σικελικὸν πέλαγος ἀνατεῖνον Πάχυνος καλεῖται ,
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 1.40.15 | Polyb. 1.41.7 (English) | >>Polyb. 1.42.7 |