| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 1.56.6 | Polyb. 1.57.2 (English) | >>Polyb. 1.57.7 |
1.56.11 δεύτερον δὲ κατὰ γῆν παραστρατοπεδευσάντων αὐτῷ Ῥωμαίων πρὸ τῆς Πανορμιτῶν πόλεως ἐν ἴσως πέντε σταδίοις πολλοὺς καὶ ποικίλους ἀγῶνας συνεστήσατο κατὰ γῆν σχεδὸν ἐπὶ τρεῖς ἐνιαυτούς . περὶ ὧν οὐχ οἷόν τε διὰ τῆς γραφῆς τὸν κατὰ μέρος ἀποδοῦναι λόγον ·
1.57.1
ἐκ δὲ τῆς καθόλου τῶν ἀνδρῶν ἐνεργείας καὶ τῆς ἑκατέρου φιλοτιμίας ἔστι καὶ τῆς ἐμπειρίας αὐτῶν καὶ τῆς δυνάμεως , πρὸς δὲ καὶ τῆς εὐψυχίας , ἱκανὴν ἔννοιαν λαβεῖν , οὕτως δὲ καὶ περὶ τῶν νῦν λεγομένων στρατηγῶν .
1.57.3 τὰς μὲν γὰρ αἰτίας ἢ τοὺς τρόπους , διʼ ὧν ἀνʼ ἑκάστην ἡμέραν ἐποιοῦντο κατʼ ἀλλήλων ἐνέδρας , ἀντενέδρας , ἐπιθέσεις , προσβολάς , οὔτʼ ἂν ὁ γράφων ἐξαριθμούμενος ἐφίκοιτο , τοῖς τʼ ἀκούουσιν ἀπέραντος ἅμα δʼ ἀνωφελὴς ἂν ἐκ τῆς ἀναγνώσεως γίνοιτο χρεία ·
1.57.4 ἐκ δὲ τῆς καθολικῆς ἀποφάσεως περὶ αὐτῶν καὶ τοῦ τέλους τῆς φιλοτιμίας μᾶλλον ἄν τις εἰς ἔννοιαν ἔλθοι τῶν προειρημένων .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 1.56.6 | Polyb. 1.57.2 (English) | >>Polyb. 1.57.7 |
