Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 1.68.7 | Polyb. 1.69.1 (English) | >>Polyb. 1.69.8 |
1.68.12 πρὸς μὲν οὖν Ἀμίλκαν τὸν Βάρκαν , μεθʼ οὗ συγκεκινδυνεύκεσαν ἐν τῇ Σικελίᾳ , δυσχερῶς εἶχον , δοκοῦντες οὐχ ἥκιστα διʼ ἐκεῖνον ὀλιγωρεῖσθαι τῷ μήτε πρεσβεύειν πρὸς αὐτοὺς τήν τε στρατηγίαν ἑκουσίως δοκεῖν ἀποτεθεῖσθαι ·
1.68.13 πρὸς δὲ Γέσκωνα πάνυ διέκειντο φιλανθρώπως , ὃς ἐγεγόνει μὲν ἐν Σικελίᾳ στρατηγός , ἐπεποίητο δʼ αὐτῶν πρόνοιαν τὴν ἐνδεχομένην ἔν τε τοῖς ἄλλοις καὶ μάλιστα περὶ τὴν ἀνακομιδήν . διόπερ ἐπέτρεψαν τούτῳ περὶ τῶν
1.69.1
ἃ μὲν ἐπετίμα περὶ τῶν γεγονότων , ἃ δὲ διδάσκειν ἐπειρᾶτο περὶ τῶν παρόντων · τὸ δὲ πλεῖον παρεκάλει πρὸς τὸ μέλλον , ἀξιῶν αὐτοὺς εὔνους ὑπάρχειν τοῖς ἐξ ἀρχῆς μισθοδόταις .
1.69.3 τέλος δʼ ὥρμησε πρὸς τὸ διαλύειν τὰ προσοφειλόμενα τῶν ὀψωνίων , κατὰ γένη ποιούμενος τὴν μισθοδοσίαν .
1.69.4 ἦν δέ τις Καμπανὸς ηὐτομοληκὼς παρὰ τῶν Ῥωμαίων δοῦλος , ἔχων σωματικὴν δύναμιν καὶ τόλμαν ἐν τοῖς πολεμικοῖς παράβολον , ὄνομα Σπένδιος .
1.69.5 οὗτος εὐλαβούμενος μὴ παραγενόμενος αὐτὸν ὁ δεσπότης κομίσηται , καὶ κατὰ τοὺς Ῥωμαίων νόμους αἰκισθεὶς διαφθαρῇ , πᾶν ἐτόλμα καὶ λέγειν καὶ πράττειν , σπουδάζων διακόψαι τὰς διαλύσεις τὰς πρὸς Καρχηδονίους .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 1.68.7 | Polyb. 1.69.1 (English) | >>Polyb. 1.69.8 |