| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 1.70.5 | Polyb. 1.71.2 (English) | >>Polyb. 1.72.2 |
1.70.9 μετὰ δὲ ταῦτα πάντων σχεδὸν τῶν κατὰ τὴν Λιβύην ἑτοίμως συνυπακουσάντων αὐτοῖς πρὸς τὴν ἀπὸ τῶν Καρχηδονίων ἀπόστασιν καὶ τάς τε χορηγίας καὶ τὰς βοηθείας προθύμως ἐξαποστελλόντων , διελόντες σφᾶς πολιορκεῖν ἐνεχείρησαν οἱ μὲν τὴν Ἰτύκην , οἱ δὲ τοὺς Ἱππακρίτας , διὰ τὸ ταύτας τὰς πόλεις μὴ βούλεσθαι μετασχεῖν αὐτοῖς τῆς ἀποστάσεως .
1.71.1
τότε πάντων ἅμα τούτων οὐ μόνον ἐστερημένοι παραλόγως , ἀλλὰ καὶ καθʼ αὑτῶν ὁρῶντες ἕκαστα τῶν προειρημένων ἐπιστρέφοντα , τελέως ἐν μεγάλῃ δυσθυμίᾳ καὶ δυσελπιστίᾳ καθέστασαν , ἅτε παρὰ τὴν προσδοκίαν αὐτοῖς τῶν πραγμάτων ἀποβεβηκότων .
1.71.3 τετρυμένοι γὰρ ἐν τῷ περὶ Σικελίας πολέμῳ συνεχῶς ἤλπιζον ἐπιτελεσθεισῶν τῶν διαλύσεων ἀναπνοῆς τινος τεύξεσθαι καὶ καταστάσεως εὐδοκουμένης .
1.71.4 συνέβαινε δʼ αὐτοῖς τἀναντία · μείζονος γὰρ ἐνίστατο πολέμου καταρχὴ καὶ φοβερωτέρου .
1.71.5 πρόσθεν μὲν γὰρ ὑπὲρ Σικελίας ἠμφισβήτουν Ῥωμαίοις , τότε δὲ περὶ σφῶν αὐτῶν καὶ τῆς πατρίδος ἔμελλον κινδυνεύσειν , πόλεμον ἀναλαμβάνοντες ἐμφύλιον .
1.71.6 πρὸς δὲ τούτοις οὐχ ὅπλων πλῆθος , οὐ ναυτικὴ δύναμις , οὐ πλοίων κατασκευὴ παρʼ αὐτοῖς ἦν , ὡς ἂν τοσαύταις ναυμαχίαις περιπεπτωκότων · καὶ μὴν οὐδὲ χορηγιῶν διάθεσις οὐδὲ φίλων οὐδὲ συμμάχων τῶν βοηθησόντων ἔξωθεν ἐλπὶς οὐδʼ ἡτισοῦν ὑπῆρχεν .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 1.70.5 | Polyb. 1.71.2 (English) | >>Polyb. 1.72.2 |
