Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 1.79.12 | Polyb. 1.80.4 (English) | >>Polyb. 1.80.12 |
1.80.1
ἕως δʼ ἂν ἀντέχηταί τις τῆς ἐκείνων φιλανθρωπίας , οὐ δυνατὸν αὐτοῖς ἀληθινὸν γενέσθαι τὸν τοιοῦτον σύμμαχον .
1.80.3 διόπερ ἠξίου τούτοις πιστεύειν , τούτοις ἀκούειν , τοῖς τοιούτοις προσέχειν τὸν νοῦν , οἵτινες ἂν ἀεί τι τῶν ἀπεχθεστάτων καὶ πικροτάτων εἰσαγγέλλωσι κατὰ Καρχηδονίων · τοὺς δʼ ἐναντία τούτοις λέγοντας προδότας καὶ πολεμίους ἡγεῖσθαι παρῄνει .
1.80.4 ταῦτα δʼ εἰπὼν συνεβούλευε τόν τε Γέσκωνα καὶ τοὺς μετʼ αὐτοῦ συλληφθέντας καὶ τοὺς ὕστερον γενομένους αἰχμαλώτους τῶν Καρχηδονίων αἰκισαμένους ἀποκτεῖναι .
1.80.5 πρακτικώτατος δʼ ἦν οὗτος ἐν ταῖς συμβουλίαις διὰ τὸ πολλοὺς τὴν φωνὴν αὐτοῦ συνιέναι .
1.80.6 πάλαι γὰρ στρατευόμενος ᾔδει διαλέγεσθαι Φοινικιστί · ταύτῃ δέ πως οἱ πλεῖστοι συνεσαίνοντο τῇ διαλέκτῳ διὰ τὸ μῆκος τῆς προγεγενημένης στρατείας .
1.80.7 διόπερ ἐπαινέσαντος αὐτὸν ὁμοθυμαδὸν τοῦ πλήθους , οὗτος μὲν εὐδοκιμῶν ἀνεχώρησεν .
1.80.8 πολλῶν δὲ προπορευομένων ἀφʼ ἑκάστου γένους ἅμα καὶ βουλομένων αὐτὴν παραιτεῖσθαι τὴν αἰκίαν διὰ τὰς γεγενημένας ἐκ τοῦ Γέσκωνος εἰς αὐτοὺς εὐεργεσίας , οὔτε μὴν τῶν λεγομένων οὐθὲν ἦν συνετόν , ὡς ἂν ἅμα πολλῶν , ἑκάστου δὲ κατὰ τὴν ἰδίαν διάλεκτον συμβουλεύοντος ·
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 1.79.12 | Polyb. 1.80.4 (English) | >>Polyb. 1.80.12 |