| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 10.10.12 | Polyb. 10.11.5 (English) | >>Polyb. 10.12.2 |
10.11.3 εἴτε καὶ καταπλήξεως χάριν εἴτε καὶ πρὸς τὴν ἐπιβολὴν ἁρμοζόμενος , ὅπως ἀνεμποδίστους ἔχῃ καὶ τὰς ἐξαγωγὰς καὶ τὰς ἀναχωρήσεις εἰς τὴν παρεμβολήν .
10.11.4 ὁ δὲ περίβολος τῆς πόλεως οὐ πλεῖον εἴκοσι σταδίων ὑπῆρχε τὸ πρότερον — καίτοι γʼ οὐκ ἀγνοῶ διότι πολλοῖς εἴρηται τετταράκοντα · τὸ δʼ ἐστὶ ψεῦδος . οὐ γὰρ ἐξ ἀκοῆς ἡμεῖς , ἀλλʼ αὐτόπται γεγονότες μετʼ ἐπιστάσεως ἀποφαινόμεθα — νῦν δὲ καὶ μᾶλλον ἔτι συνῄρηται .
συνάψαντος καὶ τοῦ στόλου πρὸς τὸν δέοντα καιρόν , ἐπεβάλετο συναθροίσας τὰ πλήθη παρακαλεῖν , οὐχ ἑτέροις τισὶ χρώμενος ἀπολογισμοῖς , ἀλλʼ οἷς ἐτύγχανε πεπεικὼς αὑτόν , ὑπὲρ ὧν ἡμεῖς τὸν κατὰ μέρος ἄρτι πεποιήμεθα λόγον . ἀποδείξας δὲ δυνατὴν οὖσαν τὴν ἐπιβολήν ,
10.11.6 καὶ συγκεφαλαιωσάμενος τὴν ἐκ τοῦ κατορθώματος ἐλάττωσιν τῶν ὑπεναντίων , αὔξησιν δὲ τῶν σφετέρων πραγμάτων , λοιπὸν χρυσοῦς στεφάνους ἐπηγγείλατο τοῖς πρώτοις ἐπὶ τὸ τεῖχος ἀναβᾶσι καὶ τὰς εἰθισμένας δωρεὰς τοῖς ἐπιφανῶς ἀνδραγαθήσασι ·
10.11.7 τὸ δὲ τελευταῖον ἐξ ἀρχῆς ἔφη τὴν ἐπιβολὴν αὐτῷ ταύτην ὑποδεδειχέναι τὸν Ποσειδῶνα παραστάντα κατὰ τὸν ὕπνον , καὶ φάναι συνεργήσειν ἐπιφανῶς κατʼ αὐτὸν τὸν τῆς πράξεως καιρὸν οὕτως ὥστε παντὶ τῷ στρατοπέδῳ τὴν ἐξ αὐτοῦ χρείαν ἐναργῆ γενέσθαι .
10.11.8 τῶν δὲ κατὰ τὴν παράκλησιν λόγων ἅμα μὲν ἀπολογισμοῖς ἀκριβέσι μεμιγμένων , ἅμα δʼ ἐπαγγελίαις χρυσῶν στεφάνων , ἐπὶ δὲ πᾶσι τούτοις θεοῦ προνοίᾳ , τελέως μεγάλην ὁρμὴν καὶ προθυμίαν παρίστασθαι συνέβαινε τοῖς νεανίσκοις .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 10.10.12 | Polyb. 10.11.5 (English) | >>Polyb. 10.12.2 |
