| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 10.23.8 | Polyb. 10.24.6 (English) | >>Polyb. 10.26.1 |
10.24.3 τί γὰρ ἀπειρότερον , ἅμα δʼ ἐπισφαλέστερον ἄρχοντος , ὃς ὁρᾶται μὲν ὑπὸ πάντων τῶν ὑποτεταγμένων , ὁρᾷ δʼ οὐδένα ;
10.24.4 οὐ γὰρ στρατιωτικῆς ἐξουσίας , ἀλλʼ ἡγεμονικῆς ἐμπειρίας , ἅμα δὲ καὶ δυνάμεως δεῖγμα δεῖ φέρειν τὸν ἱππάρχην ἐν ταῖς ἐξοπλισίαις , ποτὲ μὲν ἐν πρώτοις , ποτὲ δʼ ἐν ἐσχάτοις , ποτὲ δὲ κατὰ μέσους γινόμενον .
10.24.5 ὅπερ ὁ προειρημένος ἀνὴρ ἐποίει , παριππεύων καὶ πάντας ἐφορῶν αὐτός , καὶ προσδιασαφῶν αὐτοῖς ἀποροῦσι καὶ διορθῶν ἐν ἀρχαῖς πᾶν τὸ διαμαρτανόμενον .
10.24.6 ἦν δὲ τὰ τοιαῦτα τελέως βραχέα καὶ σπάνια διὰ τὴν προγεγενημένην ἐν τοῖς κατὰ μέρος ἐπιμέλειαν .
10.24.7 Δημήτριος ὁ Φαληρεὺς ἕως λόγου τὸ τοιοῦτον ὑπέδειξε , φήσας ὅτι καθάπερ ἐν οἰκοδομίαις , ἐὰν κατὰ μίαν πλίνθον θῇς καὶ καθʼ ἕνα δόμον ἐπιμελείας τύχῃ τὸ παρατεθέν , οὕτως ἐν στρατοπέδῳ τὸ κατʼ ἄνδρα καὶ κατὰ λόχον ἀκριβωθὲν ὅλην ποιεῖ τὴν δύναμιν ἰσχυράν . —
10.25.1
καὶ γὰρ ἐπʼ ἐκείνων προκινδυνεύει μὲν ὡς ἐπίπαν καὶ προαπόλλυται τὰ κοῦφα καὶ τὰ πρακτικώτατα τῆς δυνάμεως , τὴν δʼ ἐπιγραφὴν τῶν ἐκβαινόντων ἡ φάλαγξ καὶ τὰ βαρέα λαμβάνει τῶν ὅπλων .
10.25.3 νῦν δὲ παραπλησίως προκινδυνεύουσι μὲν Αἰτωλοὶ καὶ Πελοποννησίων οἱ τούτοις συμμαχοῦντες , ἐφεδρεύουσι δὲ Ῥωμαῖοι , φάλαγγος ἔχοντες διάθεσιν .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 10.23.8 | Polyb. 10.24.6 (English) | >>Polyb. 10.26.1 |
