| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 10.32.7 | Polyb. 10.33.1 (English) | >>Polyb. 10.34.1 |
10.32.10 τί δʼ ἀγνοοῦντος ὅτι , κἄν ποτʼ ἀναγκάζωσιν οἱ καιροὶ πράττειν τι τῶν κατὰ μέρος , πολλοὺς δεῖ πρότερον ἀποθανεῖν τῶν συνόντων πρὶν ἢ τὸ δεινὸν ἐγγίσαι τοῖς προεστῶσι τῶν ὅλων ;
10.32.11 δεῖ γὰρ ἐν Καρὶ τὴν πεῖραν , ὡς ἡ παροιμία φησίν , οὐκ ἐν τῷ στρατηγῷ γίνεσθαι .
10.32.12 τὸ μὲν γὰρ λέγειν ὡς οὐκ ἂν ᾠόμην τίς γὰρ ἂν ἤλπισε τοῦτο γενέσθαι ; μέγιστον εἶναί μοι δοκεῖ σημεῖον ἀπειρίας στρατηγικῆς καὶ βραδυτῆτος .
10.33.1
κατὰ τοῦτο μάλιστά τις ἂν ἐπισημήναιτο , διότι πολλοὺς μὲν χρόνους ἐν τῇ πολεμίᾳ διατρίψας , πολλοῖς δὲ καιροῖς καὶ ποικίλοις χρησάμενος , ἔσφηλε μὲν τοὺς ὑπεναντίους πολλάκις ἐν ταῖς κατὰ μέρος χρείαις διὰ τὴν ἰδίαν ἀγχίνοιαν , ἐσφάλη δʼ οὐδέποτε τοσούτους καὶ τηλικούτους ἀγῶνας χειρίσας ·
10.33.3 τοιαύτην ἐποιεῖτο τὴν πρόνοιαν , ὡς ἔοικε , περὶ τῆς ἀσφαλείας αὑτοῦ . καὶ μάλʼ εἰκότως · ἀκεραίου μὲν γὰρ καὶ σῳζομένου τοῦ προεστῶτος ,
10.33.4 κἄν ποτε πέσῃ τὰ ὅλα , πολλὰς ἀφορμὰς ἡ τύχη δίδωσι πρὸς τὸ πάλιν ἀνακτήσασθαι τὰς ἐκ τῶν περιπετειῶν ἐλαττώσεις ·
10.33.5 πταίσαντος δέ , καθάπερ ἐν νηὶ τοῦ κυβερνήτου , κἂν τὸ νικᾶν ἡ τύχη τοῖς πολλοῖς παραδιδῷ κρατεῖν τῶν ἐχθρῶν , οὐδὲν ὄφελος γίνεται διὰ τὸ πάσας ἐξηρτῆσθαι τὰς ἐλπίδας ἑκάστοις ἐκ τῶν ἡγουμένων .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 10.32.7 | Polyb. 10.33.1 (English) | >>Polyb. 10.34.1 |
