| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 10.41.1 | Polyb. 10.41.7 (English) | >>Polyb. 10.42.5 |
10.41.5 προκατελάμβανον δὲ καὶ τὰ περὶ Θερμοπύλας στενὰ τάφροις καὶ χάρακι καὶ φυλακαῖς βαρείαις Αἰτωλοί , πεπεισμένοι συγκλείειν τὸν Φίλιππον καὶ καθόλου κωλύειν παραβοηθεῖν τοῖς ἐντὸς Πυλῶν συμμάχοις .
10.41.6 δοκεῖ δέ μοι τὰς τοιαύτας περιστάσεις εὐλόγως ἄν τις ἐπισημήνασθαι καὶ συνεφιστάνειν τοὺς ἀναγινώσκοντας , ἐν αἷς πεῖρα καὶ βάσανος ἀληθινὴ γίνεται κατὰ τάς τε ψυχικὰς ὁρμὰς καὶ τὰς σωματικὰς δυνάμεις τῶν ἡγεμόνων .
10.41.7 καθάπερ γὰρ ἐν ταῖς κυνηγεσίαις τὰ ζῷα τότε διάδηλα γίνεται κατὰ τὴν ἀλκὴν καὶ τὴν δύναμιν , ὅταν τὸ δεινὸν αὐτὰ περιστῇ πανταχόθεν , τὸν αὐτὸν τρόπον συμβαίνει καὶ ἐπὶ τῶν ἡγουμένων . ὃ δὴ τότε μάλιστα συνιδεῖν ἦν γινόμενον ὑπὸ τοῦ Φιλίππου ·
10.41.8 τὰς μὲν γὰρ πρεσβείας ἀπέλυσε πάσας , ἑκάστοις τὰ δυνατὰ ποιήσειν ἐπαγγειλάμενος , τῷ δὲ πολέμῳ πανταχόθεν ἐπεῖχε , καραδοκῶν πῇ καὶ πρὸς τίνα πρῶτον δεήσει
10.42.1
εἰς δὲ Φωκέας καὶ τοὺς κατὰ τὴν Βοιωτίαν τόπους Πολυφάνταν ἐξέπεμψε μετὰ συμμέτρου δυνάμεως , εἰς δὲ Χαλκίδα καὶ τὴν ἄλλην Εὔβοιαν Μένιππον , ἔχοντα πελταστὰς χιλίους , Ἀγριᾶνας πεντακοσίους .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 10.41.1 | Polyb. 10.41.7 (English) | >>Polyb. 10.42.5 |
