| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 10.42.3 | Polyb. 10.43.2 (English) | >>Polyb. 10.43.10 |
10.42.7 ἵνα δὲ μηδὲν αὐτὸν λανθάνῃ τῶν πραττομένων , διεπέμψατο πρὸς Πεπαρηθίους καὶ πρὸς τοὺς ἐπὶ τῆς Φωκίδος , ὁμοίως δὲ καὶ πρὸς τοὺς ἐπὶ τῆς Εὐβοίας , καὶ παρήγγειλε διασαφεῖν αὑτῷ πάντα τὰ γινόμενα διὰ τῶν πυρσῶν ἐπὶ τὸ Τίσαιον . τοῦτο δʼ ἐστὶ τῆς Θετταλίας ὄρος ,
10.42.8 εὐφυῶς κείμενον πρὸς τὰς τῶν προειρημένων τόπων περιφάσεις .
10.43.1
ὅτι μὲν οὖν ὁ καιρὸς ἐν πᾶσι μεγάλην ἔχει μερίδα πρὸς τὰς ἐπιβολάς , μεγίστην δʼ ἐν τοῖς πολεμικοῖς , παντὶ δῆλον · τῶν δὲ πρὸς τοῦτο συναγωνισμάτων πλείστην ἔχουσι δύναμιν οἱ πυρσοί .
10.43.3 ἄρτι γὰρ τὰ μὲν γέγονε , τινὰ δʼ ἀκμὴν ἐνεργεῖται καὶ δυνατόν ἐστι γινώσκειν , ᾧ μέλει , ποτὲ μὲν ἡμερῶν τριῶν ἢ τεττάρων ὁδὸν ἀπέχοντι , ποτὲ δὲ καὶ πλειόνων .
10.43.4 ὥστʼ ἀεὶ τοῖς δεομένοις πράγμασιν ἐπικουρίας παράδοξον γίνεσθαι τὴν βοήθειαν διὰ τῆς τῶν πυρσῶν ἀπαγγελίας .
10.43.5 τὸν μὲν οὖν πρὸ τούτου χρόνον ἁπλῆς γινομένης τῆς πυρσείας κατὰ τὸ πλεῖστον αὐτὴν ἀνωφελῆ συνέβαινε γίνεσθαι τοῖς χρωμένοις .
10.43.6 διὰ γὰρ συνθημάτων ὡρισμένων ἔδει τὴν χρείαν συντελεῖν · τῶν δὲ πραγμάτων ἀορίστων ὑπαρχόντων τὰ πλεῖστα διέφυγε τὴν τῶν πυρσῶν χρείαν , οἷον ἐπʼ αὐτῶν τῶν νῦν εἰρημένων .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 10.42.3 | Polyb. 10.43.2 (English) | >>Polyb. 10.43.10 |
