Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 10.46.5 | Polyb. 10.47.4 (English) | >>Polyb. 10.47.12 |
10.46.10 προδηλοῦται μὲν οὖν πᾶν τὸ προσπῖπτον ὡρισμένως κατὰ ταύτην τὴν ἐπίνοιαν ,
10.47.1
οὐ μὴν ἀλλʼ ἐάν τις εὐτρεπῆ ποιήσῃ τὰ πρὸς τὸ πρᾶγμα , δύναται γίνεσθαι τὸ δέον .
10.47.3 καθʼ ἑκατέραν δὲ τὴν ἐπίνοιαν προμελετᾶν δεῖ τοὺς χειρίζοντας , ἵνα τῆς χρείας γινομένης ἀδιαπτώτως δύνωνται διασαφεῖν ἀλλήλοις .
10.47.4 πηλίκην δὲ συμβαίνει φαίνεσθαι τὴν διαφορὰν ἐπὶ τῶν αὐτῶν πραγμάτων πρῶτον λεγομένων καὶ πάλιν κατὰ συνήθειαν γινομένων , ἐκ πολλῶν εὐχερὲς τῷ βουλομένῳ καταμαθεῖν .
10.47.5 πολλὰ γὰρ οὐ μόνον τῶν δυσχερῶν , ἀλλὰ καὶ τῶν ἀδυνάτων εἶναι δοκούντων κατὰ τὰς ἀρχάς , μετὰ ταῦτα χρόνου καὶ συνηθείας τυχόντα ῥᾷστα πάντων ἐπιτελεῖται .
10.47.6 τοῦ δὲ τοιούτου λόγου παραδείγματα μὲν πολλὰ καὶ ἕτερα πρὸς πίστιν , ἐναργέστατον δὲ τὸ γινόμενον ἐπὶ τῆς ἀναγνώσεως .
10.47.7 ἐπὶ γὰρ ἐκείνης , εἴ τις παραστησάμενος ἄνθρωπον ἄπειρον μὲν καὶ ἀσυνήθη γραμματικῆς , τἄλλα δʼ ἀγχίνουν , κἄπειτα παιδάριον ἕξιν ἔχον παραστήσας καὶ δοὺς βυβλίον κελεύοι λέγειν τὰ γεγραμμένα ,
10.47.8 δῆλον ὡς οὐκ ἂν δύναιτο πιστεῦσαι διότι δεῖ πρῶτον ἐπὶ τὰς ὄψεις τὰς ἑνὸς ἑκάστου τῶν γραμμάτων ἐπιστῆσαι τὸν ἀναγινώσκοντα , δεύτερον ἐπὶ τὰς δυνάμεις , τρίτον ἐπὶ τὰς πρὸς ἄλληλα συμπλοκάς , ὧν ἕκαστον ποσοῦ χρόνου τινὸς δεῖται .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 10.46.5 | Polyb. 10.47.4 (English) | >>Polyb. 10.47.12 |