| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 11.15.1 | Polyb. 11.16.1 (English) | >>Polyb. 11.16.9 |
11.15.6 οἱ δὲ Λακεδαιμόνιοι χωρὶς παραγγέλματος , ἐπαρθέντες ταῖς διανοίαις ἐπὶ τῷ τῶν εὐζώνων προτερήματι , καταβαλόντες τὰς σαρίσας ὥρμησαν ἐπὶ τοὺς ὑπεναντίους .
11.15.7 ὅτε δὲ κατὰ τὴν ἐπαγωγὴν προάγοντες ἧκον ἐπὶ τὸ τῆς τάφρου χεῖλος , τὰ μὲν οὐκέτι διδόντος τοῦ καιροῦ μεταμέλειαν ὥστʼ ἐν χερσὶν ὄντας τῶν πολεμίων ἀναστρέφειν , τὰ δὲ καὶ τῆς τάφρου καταφρονήσαντες διὰ τὸ τὴν κατάβασιν ἔχειν ἐκ πολλοῦ καὶ μήθʼ ὕδωρ κατὰ τὸ τέλος ἐν αὐτῇ μήτε τινʼ ἀγρίαν ὕλην ὑπάρχειν , ὥρμησαν ἀνεπιστάτως διὰ ταύτης .
11.16.1
τῶν δʼ Ἀχαιῶν ὁμοθυμαδὸν καὶ μετὰ καταπληκτικῆς κραυγῆς ποιησαμένων τὴν ἔφοδον , οἱ μὲν προδιαλελυκότες τὰς τάξεις τῶν Λακεδαιμονίων ἐν τῇ τῆς τάφρου καταβάσει πάλιν ἀναβαίνοντες πρὸς ὑπερδεξίους τοὺς πολεμίους ἀποδειλιάσαντες ἐτρέποντο ·
11.16.3 τὸ δὲ πολὺ πλῆθος ἐν αὐτῇ τῇ τάφρῳ διεφθείρετο , τὸ μὲν ὑπὸ τῶν Ἀχαιῶν , τὸ δʼ ὑπὸ τῶν ἰδίων .
11.16.4 συνέβαινε δὲ τὸ προειρημένον οὐκ αὐτομάτως οὐδʼ ἐκ τοῦ καιροῦ , διὰ δὲ τὴν ἀγχίνοιαν τοῦ προεστῶτος , ὃς εὐθέως προεβάλετο τὴν τάφρον .
11.16.5 ὁ δὲ Φιλοποίμην οὐ φυγομαχῶν , ὥς τινες ὑπελάμβανον , ἀλλὰ καὶ λίαν ἀκριβῶς καὶ στρατηγικῶς ἕκαστα συλλογισάμενος , ὅτι παραγενόμενος ὁ Μαχανίδας , εἰ μὲν προσάξει τὴν δύναμιν οὐ προϊδόμενος τὴν τάφρον , οὕτω συμβήσεται παθεῖν αὐτῷ τὴν φάλαγγα τὸ προειρημένον νῦν , γινόμενον δὲ τότʼ ἐπὶ τῆς ἀληθείας ·
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 11.15.1 | Polyb. 11.16.1 (English) | >>Polyb. 11.16.9 |
