| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 11.20.2 | Polyb. 11.21.1 (English) | >>Polyb. 11.22.2 |
11.20.7 οὐ μὴν ἀλλὰ διαπορήσας , ὑπὸ δὲ τῶν πραγμάτων συγκλειόμενος , ἐπὶ τὸ συγχρῆσθαι κατηνέχθη τοῖς Ἴβηρσιν οὕτως ὥστε φαντασίαν μὲν παρασκευάζειν τοῖς ὑπεναντίοις ,
11.20.8 τὸν δʼ ἀγῶνα ποιεῖσθαι διὰ τῶν ἰδίων στρατοπέδων . ταῦτα δὲ προθέμενος ἀνέζευξε μετὰ πάσης τῆς δυνάμεως , ἔχων πεζοὺς μὲν εἰς τετρακισμυρίους καὶ πεντακισχιλίους , ἱππεῖς δὲ περὶ τρισχιλίους .
11.20.9 ἐγγίσας δὲ τοῖς Καρχηδονίοις καὶ γενόμενος σύνοπτος ἐστρατοπέδευσε περί τινας γεωλόφους καταντικρὺ τῶν πολεμίων .
11.21.1
ὑπό τινα βουνὸν ὑπεστάλκει τοὺς ἱππεῖς , ἴσους τοῖς τῶν Καρχηδονίων ·
11.21.3 ὧν ἀνυπονοήτως ἐμπεσόντων πολλοὶ μὲν ἐν ταῖς ἀρχαῖς ἀναστρέφοντες διὰ τὸ παράδοξον τῆς ἐπιφανείας τῆς ἄφνω τῶν ἱππέων ἀπέπεσον , οἱ δὲ λοιποὶ συμβάλλοντες τοῖς πολεμίοις ἐμάχοντο γενναίως .
11.21.4 τῇ δὲ παρὰ τῶν καταβαινόντων ἐν τοῖς Ῥωμαϊκοῖς ἱππεῦσιν εὐχειρίᾳ δυσχρηστούμενοι καὶ πολλοὺς ἀπολλύντες οἱ Καρχηδόνιοι , βραχὺ προσαντισχόντες ἐνέκλιναν .
11.21.5 καὶ τὸ μὲν πρῶτον ἐν τάξει τὴν ἀναχώρησιν ἐποιοῦντο , τῶν δὲ Ῥωμαίων ἐγκειμένων αὐτοῖς λύσαντες τὰς ἴλας κατέφυγον ὑπὸ τὴν αὑτῶν παρεμβολήν .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 11.20.2 | Polyb. 11.21.1 (English) | >>Polyb. 11.22.2 |
