Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 11.23.1 | Polyb. 11.23.7 (English) | >>Polyb. 11.24.4 |
11.23.4 αἱ δὲ μετὰ ταῦτα κινήσεις , διʼ ὧν συνέβαινε τοὺς ἑπομένους , ἐπιπαρεμβάλλοντας ἐπὶ τὴν αὐτὴν εὐθεῖαν τοῖς ἡγουμένοις , συγκαθίστασθαι τοῖς πολεμίοις εἰς τὴν μάχην , τὴν ἐναντίαν εἶχον διάθεσιν ἀλλήλαις , καὶ καθόλου τὸ δεξιὸν κέρας τῷ λαιῷ καὶ κατὰ μέρος οἱ πεζοὶ τοῖς ἱππεῦσιν .
11.23.5 οἱ μὲν γὰρ ἐπὶ τοῦ δεξιοῦ κέρως ἱππεῖς μετὰ τῶν εὐζώνων , ἐκ δόρατος ἐπιπαρεμβάλλοντες , ὑπερκερᾶν ἐπειρῶντο τοὺς πολεμίους , οἱ δὲ πεζοὶ τοὐναντίον ἐξ ἀσπίδος παρενέβαλλον ·
11.23.6 τῶν δὲ κατὰ τὸ λαιὸν οἱ μὲν ἐν ταῖς σπείραις ἐκ δόρατος , οἱ δʼ ἱππεῖς μετὰ τῶν γροσφομάχων ἐξ ἡνίας .
11.23.7 ἐγεγόνει μὲν οὖν ἐκ τῶν ἱππέων καὶ τῶν εὐζώνων ἀμφοτέρων τῶν κεράτων ἐκ ταύτης τῆς κινήσεως τὸ δεξιὸν εὐώνυμον .
11.23.8 οὗ μικρὸν λόγον θέμενος ὁ στρατηγὸς τοῦ μείζονος ἐποιήσατο πρόνοιαν , τοῦ κατὰ τὴν ὑπερκέρασιν , ὀρθῶς λογιζόμενος ·
11.23.9 εἰδέναι μὲν γὰρ δεῖ τὸ γινόμενον , χρῆσθαι δὲ ταῖς πρὸς τὸν καιρὸν ἁρμοζούσαις κινήσεσιν .
11.24.1
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 11.23.1 | Polyb. 11.23.7 (English) | >>Polyb. 11.24.4 |