| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 11.23.4 | Polyb. 11.24.2 (English) | >>Polyb. 11.24.8 |
11.23.8 οὗ μικρὸν λόγον θέμενος ὁ στρατηγὸς τοῦ μείζονος ἐποιήσατο πρόνοιαν , τοῦ κατὰ τὴν ὑπερκέρασιν , ὀρθῶς λογιζόμενος ·
11.23.9 εἰδέναι μὲν γὰρ δεῖ τὸ γινόμενον , χρῆσθαι δὲ ταῖς πρὸς τὸν καιρὸν ἁρμοζούσαις κινήσεσιν .
11.24.1
τῆς δὲ πεζικῆς δυνάμεως τὰ μὲν κέρατα τῶν Καρχηδονίων ἐθραύετο , τὸ δὲ μέσον τὸ κατὰ τοὺς Λίβυας , ὅπερ ἦν χρησιμώτατον , εἰς τέλος ἄπρακτον ἦν ·
11.24.3 οὔτε γὰρ παραβοηθεῖν ἠδύναντο τοῖς ἐπὶ τῶν κεράτων , λιπόντες τὸν ἴδιον τόπον διὰ τὴν τῶν Ἰβήρων ἔφοδον , οὔτε μένοντες ἐπὶ τῶν ὑποκειμένων ἐνεργεῖν τι τῶν δεόντων οἷοί τʼ ἦσαν διὰ τὸ μὴ συνιέναι τοὺς κατὰ πρόσωπον πολεμίους αὐτοῖς εἰς τὰς χεῖρας .
11.24.4 οὐ μὴν ἀλλὰ χρόνον μέν τινα διηγωνίζοντο τὰ κέρατα γενναίως διὰ τὸ περὶ τῶν ὅλων ἑκατέροις συνεστάναι τὸν κίνδυνον .
11.24.5 ἤδη δὲ τοῦ καύματος ἐφεστῶτος κατὰ τὴν ἀκμήν , οἱ μὲν Καρχηδόνιοι παρελύοντο διὰ τὸ μὴ πεποιῆσθαι τὴν ἔξοδον κατὰ τὴν ἰδίαν προαίρεσιν , κεκωλῦσθαι δὲ τῆς ἁρμοζούσης παρασκευῆς ,
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 11.23.4 | Polyb. 11.24.2 (English) | >>Polyb. 11.24.8 |
