| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 11.24.8 | Polyb. 11.25.2 (English) | >>Polyb. 11.25.9 |
11.24a.4 ἅτε δὴ πρὸς τοῦτο τὸ μέρος εὐφυὴς ὑπάρχων , οὕτω φιλανθρώπως ὡμίλησε καὶ ἐπιδεξίως ὥστε τὸν Ἀσδρούβαν εἰπεῖν ταῖς ὕστερον ἡμέραις πρὸς τὸν Σόφακα διότι φοβερώτερος αὐτῷ Πόπλιος πέφηνε κατὰ τὴν ὁμιλίαν ἤπερ ἐν τοῖς ὅπλοις . —
11.25.1
καθάπερ γὰρ ἐπὶ τῶν σωμάτων τὰς μὲν ἐκτὸς αἰτίας τοῦ βλάπτειν , λέγω δʼ οἷον ψύχους , καύματος , κόπου , τραυμάτων , καὶ πρὶν γίνεσθαι φυλάξασθαι δυνατὸν καὶ γενομέναις εὐμαρὲς βοηθῆσαι , τὰ δʼ ἐξ αὐτῶν τῶν σωμάτων γινόμενα φύματα καὶ νόσους δυσχερὲς μὲν προϊδέσθαι , δυσχερὲς δὲ γενομένοις βοηθεῖν ,
11.25.3 τὸν αὐτὸν δὴ τρόπον καὶ περὶ πολιτείας καὶ περὶ στρατοπέδων διαληπτέον .
11.25.4 πρὸς μὲν γὰρ τὰς ἔξωθεν ἐπιβουλὰς καὶ πολέμους πρόχειρος ὁ τρόπος τῆς παρασκευῆς καὶ βοηθείας τοῖς ἐφιστάνουσι ,
11.25.5 πρὸς δὲ τὰς ἐν αὐτοῖς γενομένας ἀντιπολιτείας καὶ στάσεις καὶ ταραχὰς δύσχρηστος ἡ βοήθεια καὶ μεγάλης ἐπιδεξιότητος καὶ διαφερούσης ἀγχινοίας δεομένη ·
11.25.6 πλὴν ἑνὸς παραγγέλματος , ὃ πᾶσιν ἁρμόσει , δεῖ καὶ στρατοπέδοις καὶ πόλεσι καὶ σώμασιν , ὡς ἐμὴ δόξα .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 11.24.8 | Polyb. 11.25.2 (English) | >>Polyb. 11.25.9 |
