Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 11.25.9 | Polyb. 11.26.5 (English) | >>Polyb. 11.27.4 |
11.26.2 τῶν δὲ χιλιάρχων διασαφούντων τὰ δεδογμένα , γνοὺς ὁ Πόπλιος ἀνεκοινοῦτο τῷ συνεδρίῳ τί δέον ἐστὶ ποιεῖν .
11.26.3 ἔδοξεν οὖν αὐτοῖς , ἡμέραν διασαφήσαντας εἰς ἣν δεήσει παρεῖναι , πρὸς μὲν τὸ πλῆθος διαλύεσθαι , τοὺς δʼ αἰτίους κολάζειν πικρῶς · οὗτοι δʼ ἦσαν εἰς πέντε καὶ τριάκοντα τὸν ἀριθμόν .
11.26.4 τῆς δʼ ἡμέρας ἐπελθούσης , καὶ παραγενομένων τῶν ἀποστατῶν ἐπί τε τὰς διαλύσεις καὶ τὴν κομιδὴν τῶν ὀψωνίων ,
11.26.5 τοῖς μὲν χιλιάρχοις τοῖς πρεσβεύσασι συνέταξε διʼ ἀπορρήτων ὁ Πόπλιος ἀπαντᾶν τοῖς ἀποστάταις καὶ διελομένους ἕκαστον πέντε τῶν ἀρχηγῶν τῆς στάσεως εὐθέως κατὰ τὴν ἀπάντησιν φιλανθρωπεῖν καὶ καλεῖν ὡς αὑτούς , μάλιστα μὲν πρὸς κατασκήνωσιν · οἳ δʼ ἂν μὴ δύνωνται τοῦτο , πρός γε δεῖπνον καὶ τοιαύτην συνουσίαν .
11.26.6 τῷ δὲ μεθʼ αὑτοῦ στρατοπέδῳ παρήγγειλε πρὸ ἡμερῶν τριῶν ἐφόδια παρεσκευάσθαι κατὰ πλείω χρόνον ὡς ἐπὶ τὸν Ἀνδοβάλην αὐτῶν μετὰ Μάρκου πορευομένων .
11.26.7 ὃ καὶ θαρραλεωτέρους αὐτοὺς ἀκούσαντας ἐποίησε τοὺς ἀποστάτας · ἐν αὑτοῖς γὰρ ὑπέλαβον ἔσεσθαι τὴν πλείστην ἐξουσίαν , ἐπειδὰν συμμίξωσι τῷ στρατηγῷ τῶν ἄλλων στρατοπέδων κεχωρισμένων .
11.27.1
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 11.25.9 | Polyb. 11.26.5 (English) | >>Polyb. 11.27.4 |