| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 11.27.2 | Polyb. 11.28.1 (English) | >>Polyb. 11.28.8 |
11.27.6 πάντων δὲ συντρεχόντων κατὰ τὸν ἐθισμὸν ἅμα τῷ σημῆναι , καὶ μετεώρων ὄντων ταῖς διανοίαις οἷόν ποτʼ ὄψονται τὸν στρατηγὸν καὶ τί ποτʼ ἀκούσονται περὶ τῶν ἐνεστώτων ,
11.27.7 πρὸς μὲν τοὺς ἐπὶ τῶν πυλῶν χιλιάρχους ὁ Πόπλιος διεπέμψατο , κελεύων αὐτοὺς ἄγειν τοὺς στρατιώτας ἐν τοῖς ὅπλοις καὶ περιστῆναι τὴν ἐκκλησίαν , αὐτὸς δὲ προπορευθεὶς ἐξέστησε ταῖς διανοίαις πάντας εὐθέως κατὰ τὴν πρώτην φαντασίαν ·
11.27.8 ἔτι γὰρ ὑπολαμβάνοντες αὐτὸν ἀσθενῶς ἔχειν οἱ πολλοί , κἄπειτα παρὰ τὴν προσδοκίαν αἰφνιδίως ἐρρωμένον θεασάμενοι κατὰ τὴν ἐπίφασιν κατεπλάγησαν .
11.28.1
τρεῖς γὰρ αἰτίας εἶναι , διʼ ἃς τολμῶσι στασιάζειν ἄνθρωποι πρὸς πατρίδα καὶ τοὺς ἡγουμένους , ὅταν τοῖς προεστῶσι μέμφωνταί τι καὶ δυσχεραίνωσιν , ἢ τοῖς ὑποκειμένοις πράγμασι δυσαρεστῶσιν , ἢ καὶ νὴ Δία μειζόνων ὀρεχθῶσι καὶ καλλιόνων ἐλπίδων .
11.28.3 ἐρωτῶ δὲ τί τούτων ὑμῖν ὑπῆρξεν ; ἐμοὶ δῆλον ὅτι δυσηρεστήσασθε , διότι τὰς σιταρχίας ὑμῖν οὐκ ἀπεδίδουν ·
11.28.4 ἀλλὰ τοῦτʼ ἐμὸν μὲν οὐκ ἦν ἔγκλημα · κατὰ γὰρ τὴν ἐμὴν ἀρχὴν οὐδὲν ὑμῖν ἐνέλειπε τῶν ὀψωνίων ·
11.28.5 εἰ δʼ ἄρʼ ἦν ἐκ τῆς Ῥώμης , διότι τὰ πάλαι προσοφειλόμενα νῦν οὐ διωρθοῦτο —
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 11.27.2 | Polyb. 11.28.1 (English) | >>Polyb. 11.28.8 |
