| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 11.32.5 | Polyb. 11.33.4 (English) | >>Polyb. 11.34.3 |
11.33.2 κατὰ δὲ τὸν καιρὸν τοῦτον καὶ Γάιος Λαίλιος , ἔχων τοὺς ἱππεῖς , προῆγε διὰ τῶν λόφων τῶν ἀπὸ τῆς παρεμβολῆς ἐπὶ τὸν αὐλῶνα κατατεινόντων , καὶ προσέβαλλε τοῖς τῶν Ἰβήρων ἱππεῦσι κατὰ νώτου , καὶ συνεῖχε τούτους ἐν τῇ πρὸς αὑτὸν μάχῃ . λοιπὸν οἱ μὲν πεζοὶ τῶν ὑπεναντίων ,
11.33.3 ἐρημωθέντες τῆς τῶν ἱππέων χρείας , οἷς πιστεύσαντες εἰς τὸν αὐλῶνα κατέβησαν , ἐπιεζοῦντο καὶ κατεβαροῦντο τῇ μάχῃ , οἱ δʼ ἱππεῖς τὸ παραπλήσιον ἔπασχον ·
11.33.4 ἀπειλημμένοι γὰρ ἐν στενῷ καὶ δυσχρηστούμενοι πλείους ὑφʼ αὑτῶν ἢ τῶν πολεμίων διεφθείροντο , τῶν μὲν ἰδίων πεζῶν ἐκ πλαγίου προσκειμένων αὐτοῖς , τῶν δὲ πολεμίων τῶν πεζῶν κατὰ πρόσωπον , τῶν δʼ ἱππέων κατὰ νώτου περιεστώτων .
11.33.5 τοιαύτης δὲ γενομένης τῆς μάχης οἱ μὲν εἰς τὸν αὐλῶνα καταβάντες σχεδὸν ἅπαντες διεφθάρησαν , οἱ δʼ ἐν τῇ παρωρείᾳ διέφυγον .
11.33.6 οὗτοι δʼ ἦσαν εὔζωνοι , τρίτον δὲ μέρος τῆς ἁπάσης δυνάμεως , μεθʼ ὧν καὶ τὸν Ἀνδοβάλην συνέβη διασωθέντα φυγεῖν εἴς τι χωρίον ὀχυρόν . —
συντέλειαν ἐπιτεθεικὼς τοῖς κατὰ τὴν Ἰβηρίαν ἔργοις , παρῆν εἰς τὸν Ταρράκωνα μετὰ μεγίστης χαρᾶς , κάλλιστον θρίαμβον καὶ καλλίστην νίκην τῇ πατρίδι κατάγων .
11.33.8 σπεύδων δὲ μὴ καθυστερεῖν τῆς ἐν τῇ Ῥώμῃ καταστάσεως τῶν ὑπάτων , πάντα τὰ κατὰ τὴν Ἰβηρίαν διατάξας καὶ παραδοὺς τὸ στρατόπεδον τοῖς περὶ τὸν Ἰούνιον καὶ Μάρκιον , αὐτὸς ἀπέπλευσε μετὰ Γαΐου καὶ τῶν ἄλλων φίλων εἰς τὴν Ῥώμην .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 11.32.5 | Polyb. 11.33.4 (English) | >>Polyb. 11.34.3 |
