| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 11.33.4 | Polyb. 11.34.2 (English) | >>Polyb. 11.34.11 |
11.33.8 σπεύδων δὲ μὴ καθυστερεῖν τῆς ἐν τῇ Ῥώμῃ καταστάσεως τῶν ὑπάτων , πάντα τὰ κατὰ τὴν Ἰβηρίαν διατάξας καὶ παραδοὺς τὸ στρατόπεδον τοῖς περὶ τὸν Ἰούνιον καὶ Μάρκιον , αὐτὸς ἀπέπλευσε μετὰ Γαΐου καὶ τῶν ἄλλων φίλων εἰς τὴν Ῥώμην .
VI. Res Asiae
11.34.1
γεγονέναι γὰρ οὐκ αὐτὸς ἀποστάτης τοῦ βασιλέως , ἀλλʼ ἑτέρων ἀποστάντων ἐπανελόμενος τοὺς ἐκείνων ἐκγόνους , οὕτως κρατῆσαι τῆς Βακτριανῶν ἀρχῆς .
11.34.3 καὶ πλείω δὲ πρὸς ταύτην τὴν ὑπόθεσιν διαλεχθεὶς ἠξίου τὸν Τηλέαν μεσιτεῦσαι τὴν διάλυσιν εὐνοϊκῶς , παρακαλέσαντα τὸν Ἀντίοχον μὴ φθονῆσαι τῆς ὀνομασίας αὑτῷ τῆς τοῦ βασιλέως καὶ προστασίας ,
11.34.4 ὥς γʼ ἐὰν μὴ συγχωρῇ τοῖς ἀξιουμένοις , οὐδετέρῳ τῆς ἀσφαλείας ὑπαρχούσης ·
11.34.5 πλήθη γὰρ οὐκ ὀλίγα παρεῖναι τῶν Νομάδων , διʼ ὧν κινδυνεύειν μὲν ἀμφοτέρους , ἐκβαρβαρωθήσεσθαι δὲ τὴν χώραν ὁμολογουμένως , ἐὰν ἐκείνους προσδέχωνται .
11.34.6 ταῦτα δʼ εἰπὼν ἐξαπέστειλε τὸν Τηλέαν πρὸς τὸν Ἀντίοχον .
11.34.7 ὁ δὲ βασιλεύς , πάλαι περιβλεπόμενος λύσιν τῶν πραγμάτων , πυθόμενος ταῦτα παρὰ τοῦ Τηλέου , προθύμως ὑπήκουσε πρὸς τὰς διαλύσεις διὰ τὰς προειρημένας αἰτίας .
11.34.8 τοῦ δὲ Τηλέου προσανακάμψαντος καὶ πολλάκις πρὸς ἀμφοτέρους , τέλος Εὐθύδημος ἐξέπεμψε Δημήτριον τὸν υἱὸν βεβαιώσοντα τὰς ὁμολογίας · ὃν ὁ βασιλεὺς ἀποδεξάμενος ,
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 11.33.4 | Polyb. 11.34.2 (English) | >>Polyb. 11.34.11 |
