Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 12.10.9 | Polyb. 12.11.7 (English) | >>Polyb. 12.12.5 |
12.11.4 πικρὸς γὰρ γεγονὼς καὶ ἀπαραίτητος ἐπιτιμητὴς τῶν πέλας εἰκότως ἂν καὶ ὑπὸ τῶν πλησίον αὐτὸς ἀπαραιτήτου τυγχάνοι κατηγορίας . οὐ μὴν ἀλλὰ προφανῶς ἐν τούτοις ἐψευσμένος ,
12.11.5 μεταβὰς ἐπὶ τοὺς ἐν Ἰταλίᾳ Λοκροὺς πρῶτον μέν φησι τήν τε πολιτείαν καὶ τὰ λοιπὰ φιλάνθρωπα τοῖς Λοκροῖς ἀμφοτέροις Ἀριστοτέλη καὶ Θεόφραστον κατεψεῦσθαι τῆς πόλεως .
12.11.6 ἐγὼ δʼ οὐκ ἀγνοῶ μὲν ὅτι καὶ ταύτῃ τῆς πραγματείας ἀναγκασθήσομαι παρεκβαίνειν , διοριζόμενος καὶ διαβεβαιούμενος περὶ τούτων ·
12.11.7 οὐ μὴν ἀλλὰ διὰ ταύτην τὴν αἰτίαν εἰς ἕνα τόπον ὑπερεθέμην τὸν περὶ Τιμαίου λόγον , ἵνα μὴ πολλάκις ἀναγκάζωμαι τοῦ καθήκοντος ὀλιγωρεῖν . —
12.11.8
12.12.1
τὸν αὐτὸν τρόπον καὶ τῶν συγγραμμάτων ὅσα μὲν ἂν ἢ κατὰ τὴν λέξιν ἢ κατὰ τὸν χειρισμὸν ἢ κατʼ ἄλλο τι διαμαρτάνηται τῶν ἰδίων μερῶν , ἀντέχηται δὲ τῆς ἀληθείας , προσίεσθαί φησι τὸ τῆς ἱστορίας ὄνομα τὰς βύβλους , ὅταν δὲ ταύτης παραπέσῃ , μηκέτι καλεῖσθαι δεῖν ἱστορίαν .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 12.10.9 | Polyb. 12.11.7 (English) | >>Polyb. 12.12.5 |