| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 12.13.4 | Polyb. 12.13.10 (English) | >>Polyb. 12.14.6 |
12.13.8 ὡς Τίμαιός φησιν , ἀλλὰ πολλοὶ μὲν ἂν τῶν Ἀντιπάτρου φίλων , καθʼ οὗ πεπαρρησίασται πολλὰ καὶ δυνάμενα λυπεῖν οὐ μόνον αὐτὸν Ἀντίπατρον , ἀλλὰ καὶ τοὺς ἐκείνου διαδόχους καὶ φίλους γεγονότας , πολλοὶ δὲ τῶν ἀντιπεπολιτευμένων , ὧν ἦν καὶ Δημήτριος ὁ Φαληρεύς .
12.13.9 οὗ ʼκεῖνος οὐ τὴν τυχοῦσαν πεποίηται κατηγορίαν ἐν ταῖς ἱστορίαις , φάσκων αὐτὸν γεγονέναι τοιοῦτον προστάτην τῆς πατρίδος καὶ ἐπὶ τούτοις σεμνύνεσθαι κατὰ τὴν πολιτείαν , ἐφʼ οἷς ἂν καὶ τελώνης σεμνυνθείη βάναυσος .
12.13.10 ἐπὶ γὰρ τῷ πολλὰ καὶ λυσιτελῶς πωλεῖσθαι κατὰ τὴν πόλιν καὶ δαψιλῆ τὰ πρὸς τὸν βίον ὑπάρχειν πᾶσιν , ἐπὶ τούτοις φησὶ μεγαλαυχεῖν αὐτόν ·
12.13.11 καὶ διότι κοχλίας αὐτομάτως βαδίζων προηγεῖτο τῆς πομπῆς αὐτῷ , σίαλον ἀναπτύων , σὺν δὲ τούτοις ὄνοι διεπέμποντο διὰ τοῦ θεάτρου , διότι δὴ πάντων τῶν τῆς Ἑλλάδος καλῶν ἡ πατρὶς παρακεχωρηκυῖα τοῖς ἄλλοις ἐποίει Κασσάνδρῳ τὸ προσταττόμενον , ἐπὶ τούτοις αὐτὸν οὐκ αἰσχύνεσθαί φησιν .
12.13.12 ἀλλʼ ὅμως οὔτε Δημήτριος οὔτʼ ἄλλος οὐδεὶς εἰρήκει περὶ Δημοχάρους τοιοῦτον οὐδέν .
12.14.1
καίπερ εἰ κατʼ ἀλήθειαν ὑπῆρχέ τι τοιοῦτον ἀτύχημα περὶ Δημοχάρην , ποῖος καιρὸς ἢ ποία πρᾶξις ἠνάγκασε Τίμαιον ταῦτα κατατάττειν εἰς τὴν ἱστορίαν ;
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 12.13.4 | Polyb. 12.13.10 (English) | >>Polyb. 12.14.6 |
