Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 12.13.12 | Polyb. 12.14.7 (English) | >>Polyb. 12.15.9 |
12.14.4 οὕτως καὶ περὶ τῶν λοιδοριῶν , οὐ τί τοῖς ἐχθροῖς ἀκούειν ἁρμόζει , τοῦτο πρῶτον ἡγητέον , ἀλλὰ τί λέγειν ἡμῖν πρέπει , τοῦτʼ ἀναγκαιότατον λογιστέον .
12.14.5 περὶ δὲ τῶν πάντα μετρούντων ταῖς ἰδίαις ὀργαῖς καὶ φιλοτιμίαις ἀνάγκη πάνθʼ ὑποπτεύειν ἐστὶ καὶ πᾶσι διαπιστεῖν πέρα τοῦ δέοντος λεγομένοις .
12.14.6 διὸ δὴ καὶ νῦν ἡμεῖς μὲν εἰκότως ἂν δόξαιμεν ἀθετεῖν τοῖς ὑπὸ Τιμαίου κατὰ Δημοχάρους εἰρημένοις ·
12.14.7 ἐκεῖνος δʼ ἂν οὐκ εἰκότως τυγχάνοι συγγνώμης οὐδὲ πίστεως ὑπʼ οὐδενὸς διὰ τὸ προφανῶς ἐν ταῖς λοιδορίαις ἐκπίπτειν τοῦ καθήκοντος διὰ τὴν ἔμφυτον πικρίαν .
12.15.1
ἐν οἷς ἐπὶ καταστροφῇ τῆς ὅλης ἱστορίας φησὶ γεγονέναι τὸν Ἀγαθοκλέα κατὰ τὴν πρώτην ἡλικίαν κοινὸν πόρνον , ἕτοιμον τοῖς ἀκρατεστάτοις , κολοιόν , τριόρχην , πάντων τῶν βουλομένων τοῖς ὄπισθεν ἔμπροσθεν γεγονότα .
12.15.3 πρὸς δὲ τούτοις , ὅτʼ ἀπέθανε , τὴν γυναῖκά φησι κατακλαιομένην αὐτὸν οὕτως θρηνεῖν · Τί δʼ οὐκ ἐγὼ σέ ; τί δʼ οὐκ ἐμὲ σύ ;
12.15.4 ἐν γὰρ τούτοις πάλιν οὐ μόνον ἄν τις ἐπιφθέγξαιτο τὰ καὶ περὶ Δημοχάρους , ἀλλὰ καὶ τὴν ὑπερβολὴν θαυμάσειε τῆς πικρίας .
12.15.5 ὅτι γὰρ ἐκ φύσεως ἀνάγκη μεγάλα προτερήματα γεγονέναι περὶ τὸν Ἀγαθοκλέα , τοῦτο δῆλόν ἐστιν ἐξ αὐτῶν ὧν ὁ Τίμαιος ἀποφαίνεται .
Polybius, Histories (XML Header) [genre: prose] [word count] [lemma count] [Polyb.]. | ||
<<Polyb. 12.13.12 | Polyb. 12.14.7 (English) | >>Polyb. 12.15.9 |