| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 12.22.5 | Polyb. 12.23.7 (English) | >>Polyb. 12.24.6 |
12.23.4 ἐκεῖνος μὲν οὖν ἀποθεοῦν Ἀλέξανδρον ἐβουλήθη , Τίμαιος δὲ μείζω ποιεῖ Τιμολέοντα τῶν ἐπιφανεστάτων θεῶν ,
12.23.5 καὶ Καλλισθένης μὲν ἄνδρα τοιοῦτον , ὃν πάντες μεγαλοφυέστερον ἢ κατʼ ἄνθρωπον γεγονέναι τῇ ψυχῇ συγχωροῦσιν ,
12.23.6 οὗτος δὲ Τιμολέοντα τὸν οὐχ οἷον δόξαντά τι πεπραχέναι μεγαλεῖον , ἀλλʼ οὐδʼ ἐπιβαλόμενον , μίαν δʼ ἐν τῷ βίῳ γραμμὴν διανύσαντα , καὶ ταύτην οὐδὲ σπουδαίαν τρόπον τινὰ πρὸς τὸ μέγεθος τῆς οἰκουμένης , λέγω δὲ τὴν ἐκ τῆς πατρίδος εἰς Συρακούσας .
12.23.7 ἀλλά μοι δοκεῖ πεισθῆναι Τίμαιος ὡς , ἂν Τιμολέων , πεφιλοδοξηκὼς ἐν αὐτῇ Σικελίᾳ , καθάπερ ἐν ὀξυβάφῳ , σύγκριτος φανῇ τοῖς ἐπιφανεστάτοις τῶν ἡρώων , κἂν αὐτὸς ὑπὲρ Ἰταλίας μόνον καὶ Σικελίας πραγματευόμενος εἰκότως παραβολῆς ἀξιωθῆναι τοῖς ὑπὲρ τῆς οἰκουμένης καὶ τῶν καθόλου πράξεων πεποιημένοις τὰς συντάξεις .
12.23.8 περὶ μὲν οὖν Ἀριστοτέλους καὶ Θεοφράστου καὶ Καλλισθένους , ἔτι δʼ Ἐφόρου καὶ Δημοχάρους , ἱκανὰ ταῦθʼ ἡμῖν ἐστι πρὸς τὴν Τιμαίου καταδρομήν , ὁμοίως δὲ καὶ πρὸς τοὺς ἀφιλοτίμως πεπεισμένους ἀληθεύειν τὸν συγγραφέα τοῦτον . —
12.24.1
λέγων τὸν μὲν ποιητὴν ἐκ τοῦ δαιτρεύειν πολλαχοῦ τῆς ποιήσεως ὡς ἂν εἰ γαστρίμαργον παρεμφαίνειν , τὸν δʼ Ἀριστοτέλην , ὀψαρτύοντα πλεονάκις ἐν τοῖς συγγράμμασιν , ὀψοφάγον εἶναι καὶ λίχνον .
| Polybius, Histories (XML Header) [genre: prose] [word count] [lemma count] [Polyb.]. | ||
| <<Polyb. 12.22.5 | Polyb. 12.23.7 (English) | >>Polyb. 12.24.6 |
